السلام عليكم
اللهم صل علئ محمد
ياكروشات انصحكن وبشده بالنفاس ببيوتكن
والله ثم والله انها كانت احسن تجربه لي
هذا ثالث طفل لي ونفست ببيتي من المستشفئ علئ طول للبيت
قسم قمه بالراحه والخصوصيه
وزوجي يقسم انه مابعمره حب الطفل الصغير الا ولدي هذا حبه حب جنوني للعلم عنده 10ابناء قبل ولدي هذا يقول كانوا مايهموني ولا اشوفهم ولا ابوسهم الا بعد 6 شهور ويقسم انه ماتولع الا بهذا
اما انا صار حنون علي بزياده يساعدني بكل شئ ويرحمني حيييييييل
وعادي جدا انام جنبه علئ السرير اتسبح والبس بجامتي وانام عنده
لاتحرمن انفسكن من المتعه مع زوجك بفرحتكن بالمولود
قبل كنت مااروح الا لمن اطلع الاربعين
وكان زوجي الاول جاف حيل ولا يساعدني ولاشئ
اما الحين اؤؤيد وبقووووووه النفاس بالبيت
حتئ زوجي مستانس حيييل بوجودي معاه
ﻷني اريحه بلي اقدر عليه طبعا كلكن فاهمات وش اقصد
نصييييييحه من القلب
شاركي في النقاش
سجلي الدخول لإضافة تعليق.
التعليقات
20- ماشاء الله انتي ظروفك ساعدتك بس غيرك للاسف تتبهذل بالنفاس ببيتها خاصة اذا الزوج ما راعها ولا عندها شغالة ...
انتي يمكن زوج كبير شوي يعني فوق الخمسين هذولاء بالعادة يكونون حنونين مو مثل الشباب اللي بالثلاثينات ..
انا ما ادري بس رأيي اذا حصل لي انفس ببيت اهلي واريح اكيد بيكوون احسن لي ... - صراحه ما عمري ولدت برا بيتي فـ ما اعرف كيف نفسيات الزوج وانا بعيد من بيتي.
بس انا من النوع احب بيتي حتى قبل شغالتي لا تجي ما ارتاح الا ببيتي.
خصوصيه. وهو يشوف ولده قدامه قد ايش يتعبني
وفوق هذا انا من النوع اللي ما احب احد يسالني ليش ولدك يبكي يمكن فيه ويمكن عنده. وانتو عارفات الاربعين النونو ما يسكت. فـ انزعج انا كثر الاسأله.
والله انها راااااااااحه الخصوصيه. بس ع قول الاخت اللي فوق اذا زوجك من النوع اللي يساعد. ويقدر. انا الحمد لله. متعاون - كلامك مو منطقي لان ماهو مقياس ينطبق ع الكل
يعني انا بكريه كيف انفس في بيتي وماعندي خبره ؟
اكيد بروح عند امي تشيل عني وخصوصاً بكون تعبانه بعد الولاده
انا يادوبي اتفرغ لنفسي والنونو
وامي تطبخ لي و تعطيني من خبرتها
ولين يلم جرح الولاده واشوف اني تحسنت وعرفت ادبر اموري ثم ارجع لبيتي
ودي لك 🌹🌷🌹🌷🌹🌷🌹🌷 - اختي هذا زين لك انتي
بس مو الكل زي زوجك
لاتقيسين الازواج بالمثل
اذا الحاريم مو زي بعض بالحمل
الرجال مو زي بعض بالنفسيه الزينه
والله مانصدق متى يجي ال40 يوم نفتك من الزن والتعب اللي عند الزوج
والله عني انا راحححححتي عند امي ونفسيتي عند امي
بس عند زوجي مستحيل انفس عنده كان انهبل وطلع بالشارع ههههههههههههههه
بزارين وزوج وبيت عزالله مافيه راحه نفسيه الا القرب للشهار - عز الله انحاش من البيت
مواضيع مشابهة
تابعي تجارب أخرى من هذا القسم.