مقدر أتحمل كفايه

8 أكتوبر 2015

الله يعينك يااختي ويفرج همك
كثار بنات اذا تطلقوا صارت لهم مشاكل بالبيت من جهة اهلهم وضغط نفسي كبير عليها وعلى اعيالها
مشكلتهم لازالوا يفكرون تفكير الجاهلية ان الطلاق عيب واللي تتطلق يعني فيها شيء وماتطلع علشان ماتجيب لهم مصيبة الخ مع ان العدل عدل هو متزوج ولامطلق ولا اعزب مع ان الطلاق صح انه ابغض الحلال عند الله بس مو محرم يعني اذا ماحصل توفيق كل واحد يروح بحاله بدون مشاكل احيانا تواجهك مشاكل مالها حل الا الطلاق بصراحة
المهم اولاً ماانصحك تودينهم لابوهم لان اعيالك لو تخليتي عنهم في هالعمر ماراح يحسون فيك بعدين ومايبونك وممكن تجيهم مرت ابو تعذبهم ويدعون عليك لانك تركتيهم معها
ثانياً اخوانك يتصرفون واهلك كذا علشان يضغطون عليك ويخلونك تودينهم لابوهم او ترجعين لزوجك ويرتاحون من همك
ثالثاً لاتحاولين تسترخسين في نفسك وتخلينه يرجعك بحجة ان اهلك مايبونك والخ لان فيها معايره بيقولك اهلك مو متحملينك ماانلام انا ولا باي شرط لاتنازل مبيت ولاغيره ماانصحك لو هو يبيك بقناعة اهلاً وسهلا يرجعك مايبيك الزم ماعليك كرامتك ترى الرجال بعد الطلاق يتغير مليون بالميه مو زي اول مااتزوجتيه حطيها في بالك يعني راح تواجهين مشاكل اكبر واشياء كثيره
رابعاً ليش تخلين فلوسك بدرج ولاغيره حطيهم بالبنك والصراف موجود حتى لو ماوافقوا تطلعين انتي ام اعيال لازم تكون فيه ثقة من اهلك لك يعني البنت تطلع وعادي تخلص كل شغلها دامها ماسوت شيء غلط كيف لو كنتي عندك اولاد التزامات واغراض كثيره يحتاجونها
خامساً اخوانك اذا شفتيهم خبي ايباد اعيالك هم مقهورين الله يهديهم وجايين يطلعون فيهم الحره ممكن ماعندهم ايباد او ممكن عندهم بس من باب التخريب والحسد
سادساً حاولي تدعين ان الله يسخر لك اهلك امك وابوك واخوانك الله قادر على كل شيء وعطيهم الكلام الحلو وبري فيهم وخلي جزء من وقتك لهم ولطلباتهم هذا هو سبب التوفيق بعينه بعد الله
سابعاً لما يتقدم لك رجال متزوج وراضي باولادك واخلاقه تمام تزوجي وشوفي حياتك وعيشي لاتنتظرين وتقولين بربي اعيالي ومدري ايش بعض العيال بعد هالتعب عليهم وحرمان نفسك من الزواج وغيره علشانهم مايعرفونك اذا كبروا وطول وقتهم برا ويبون الاهتمام لهم فقط وانتي بكيفك وغير كذا اذا كبرتي مالقيتيهم قدامك ولايزورونك حتى انتي سوي شيء بمصلحتك بعد الرجال لما يطلق يرتاح من هم اعياله ويتزوج ثانيه ولو طلق عشر عارف ان اعياله مو عنده والكل يبيه دام ماعنده احد شوفي حياتك بنفسك واختاري الانسب لك وبس
ثامناً الله يكون بعونك وخلي اعيالك يروحون زيارة لابوهم يوم على الاقل ينامون عنده وانتي تكونين ارتحتي شوي من الضغوط وموفقه والله يجبخاطرك وخاطري والجميع ويشفيني يارب

التعليقات

ماقدر البس الا لبس ثقيل

امنحيني البأس يا مصدر بأسي 🇾🇪🦅

مقشر الأرجل اعزكم الله من شي إن ✨

عزيز قادر مقتدر

احترقت بسبب الليزر و المقشر