بقدومه هلت البشاير 💝🎉🎉💙وصوته هز المشاعر التجمع (5) لأحلى مواليد سبتمبر واكتوبر ..

الفففففف مبروك خواتي الوالدات
جوري
والباقي نسيت الاسامي سامحوني


التت عندي ضعيف مرة ... ماقدر ارجع للصفحات الي قبل


الف مبروووووك والحمدلله ع سلامتكم 🌹🌹


..


النت عندي هالايام مررة يرفع الضغط
بحاول ادخل اقرا اخباركم
وان شاء الله اذا ربي يسر لي وولدت .. بجي ابشركم ان شاء الله
الله يهون علي وعليكم اجمعين ❤️

صباح الخير ..بما إن النونو نايم بقولكم اكشن ولادتي زي ماطلبت اموله


يوم الثلاثاء 12/16 كنت نايمه الا يصحيني الظهر الم يجي ويروح كل ساعه يشبه الم الدوره يعني محتمل قلت اكيد طلق كاذب زي كل مره كملي نومتك يابنت الحلال
واحاول ارجع انام بس ماقدرت الألم مضايقني صحيح مو قوي بس يضايق واستمر نفس قوته لين العشاء بدأ يزيد شوي وكانت اختي تجي تطل عليه واطردها اذا جاء الالم
لما جات الساعه 1 زاد شوي وايقنت انها ولاده دقيت على زوجي وجاني ورحت المستشفى الساعه 1 فالليل ودخلوني وقاسو الرحم لقوه 2 سم وحطوني تحت الملاحظه لو مافتح زياده يطلعوني واذن الفجر ولسى 2 سم والالم محتمل وجمبي وحده تصيح معاها ولاده وتستفرغ جد حزنتني وخوفتني وبعد الفجر بدأ الالم يزيد ويزيد واصرخ واطلبهم ابرة الظهر قالت الدكتوره نصيحه ابرة الظهر تأخر الولاده لاتأخذيها بصرفلك ابرة بيثادين تسكن الالم وتهدي قلتلها اكيد قالت والله تسكن الالم بس خليني افحصك اول اشوف كم وصل فحصت وقالت 6 سم وانا اصررررخ من يدها حاااااره ودخلتها جواااااا طلعت توسع الرحم
وجات الممرضه معاها الابرة وانا فرحااااانه اني بخلص من الالم واقولها امانه معاك انه مو طلق صناعي وتكذبين علي
جلست تضحك قالت وربي مو طلق صناعي اصلا رحمك جالس يفتح منتي بحاجة الطلق الصناعي
واعطوني الابره وهديت شوي ونمت بس طلعت كذب وتسكيته تنوم بس والالم هو هو كان لما يجيني الطلق اصحى من قوته واناديهم ولما وصلت 11 ونص صرت ابكي زي المجنونه من الالم واقولهم خلاص ودوني الكشك هنا كان فاتح الرحم 8 سم وودوني الكشك وقلت خلاص بتفرج


واصعب شي مر علي الكشك ويالله ادفعي وادفع ادفع ادفع مافيه فايده والله جلست ادفع من 11 ونص لين 1 ونص مافيه دكتوره كلهم قابلات وابكي اقولهم نادو الدكتوره يدقون عليها عندها عمليه وشوي تجمعو علي الدكتورات ويحاولون يمكن 5 دكتورات ماقدرو يطلعوه دفيت بكل قوتي مو راضي يطلع هنا خلاص انتهيت حسيت بين الحياه والموت شعره طلبتهم عمليه واترجاهم وامسك يد الدكتوره اقولها ماتروحين وبأخر لحظه جات دكتوره سودانيه ربي يسعدها خلوووقه قالت راح ينزل بإذن الله وتفتح الرحم بيدها بقوووووه وتسحب تسحب فيه وانا ادف معاها وباقي الممرضات اكواعهم ببطني لين نزلته بالقوه😢 ياااارب رحمتك اخيرا


وحطوه على صدري وماكنت مستوعبه او مو بوعيي دفيته وجاء بيطيح بالارض وهاتك ياصراخ الدكتوره والممرضات لاتدفينه مو على كيفك تموتينه


جلست ابكي قلت ماحسيت بنفسي بعدها طلعو المشيمه وخيطوني والدكتوره السودانيه تباركلي والغرفه انقلبت كلها تبريك واخذوه الحضانه


وانادي جيبوه ماشفته ماشبعت منه ههههههههه ماكني انا اللي كنت ابكي وابغى اخلص


قالو بنجيبه لاتخافي لو تعطينا الطفل ومعاه فلوس مااخذناه لاتخافي هههههههههههه


عاد بعد الجهد الجهيد قمت ادور المويا بحياتي ماحسيت للمويا طعم زي هالمره
وطلع نور عيوني على الدنيا


سبحان الله بس تشوفين النونو تنسين كل الم ذقتيه وتحسين بسعاده
هذي قصتي وسامحوني على الاطاله

تغاريد الحمدالله اهم شي ولدتي بسلامه وجبتي احلى مولود وتذكري كل ماكانت ولادتك مؤلمه يزيد اجرك عند الله
والله يبارك لك ف المولود ويجعله قرة عين لك ولوالده

استفسار يابنات كم كانت اوزان البيبهيات عند الولاده وهل فعلاً الوزن الحقيقي تقريباً مثل السونار؟!

الله يهون عليك ويسهلك العمليه وتقومين بالسلامه
ومتى قررو لك العمليه وطمنينا عليك اذا قدرتي وعندك وقت وربي يقومك بالسلامه