الي رفعت قضية نفقة تجاوبني

ياعمري عساني مااذوق اللي ذقتوه
الله يعوضكن ويفرج عليكن من سابع سما

حموزيه هذي بنت عمي طلقت وعندها 4 والصغير كان ابو 4 اشهر ورفعت قضيه في محكمة الرياض وقال لها القاضي لاتطلعين من بيتك والنفقه غصب عنه يدفع يستقطع من راتبه وينزل بحسابك مو ع كيفه يقول لها القضاء تغير مررره,, والحرمه لازم تعرف حقوقها وتطالب فيها
وصديقتي مطلقه ولها 3 اطفال و 2 سنه ماينفق عليها غرموه نفقة السنتين والان يسحب من راتبه وينزل في حسابه غصب عنه,,
تتعسر الأمور في حالة أن الزوج يعرف القاضي يعني واسطه في هالحاله يعلون الحرمه ويلفلفونها السبع دوخات,, ولو حسيتي من القاضي بظلم او خذلان ارفعي فيه شكوى
الله ييسر امرك يارب

الان الوضع تغير
ومحكمه الاحوال الشخصيه ماتطول فيها القضايا
والقضاه تحسنوا صاروا مع المرأه
ياحريم لاتسكتون عن حقوق عيالكم
جروهم للمحاكم جررر




جوليا وليش ساكته
دامه غني لعياله حق عليه
ارفعي عليه قضيه واخذي حقهم من النفقه من عيونه

حسبى الله ونعم الوكيل في الرجال اللي ما يخافون الله

الوضع تغير حبوبه بعد تطوير مرفق القضاء تغير كل شيء صح قبل كانت قضايا النفقه و الحضانه متعبه و مو بس هي كثير قضايا تجلس سنين و خاصه النفقه و الحضانه كانت المعامله تجي عند قاضي واحد اللي تدخل معاملتك عليه و تلتزمي معه إذا تأخر تأخرتي و إذا أخذ أجازه تعطلتي لين يرجع و إذا أسأذن راحت عليك ذاك اليوم يعني فعلا كان الوضع متعب للجميع أنا زوجي قاضي و كنا ساكنين بمحافظه مافيها قاضي إلا زوجي و عدد سكان هذيك المحافظه مع قراها 100 ألف نسمه تخيلي كلهم زوجي اللي يخلص قضاياهم لوحده مو بس القضايا إلا كان مكلف بكتابة العدل كمان ضغط و تعب تعب ما تتخيليه الله سبحان العالم كيف صبر ثلاث سنوات على هالحال و بعدها جابو معه قاضي ثاني و كاتب عدل و إذا أخذنا أجازه و رحنا لأهلنا مره أو مرتين بالسنه كل هالناس تتعطل و تنتظر لين نرجع و اللي صار بعد التطوير أن لكل 30 ألف نسمه قاضي واحد و صار بعد ما يطلب القاضي أجازه ما يمشي إلا متفق مع قاضي بداله يكلف بأعماله و يتندب حتى يرجع و صارت قضايا الحضانه و النفقه بالذات من القضايا المستعجله ليش لأن المتضرر الأول و الأساسي فيها الطفل فصار اللي يبت فيها إي قاضي متواجد يعني قضيتك عند فلان و مو موجود تروح للثاني و تخلصيها بسرعه لكن لابد من التأخير أحيانا كثير الزوج يماطل أو يهرب و يسافر يجلسو وقت يطاردو فيه و إذا أنتهت مهلته جابو غصب و فيه لجنه لازم تطلع على وضع الزوج المادي و تقرر النفقه المقدره و فيه لجنه لازم تتأكد من صلاحيات الأم حتى تأخذ الحضانه و من هذي الأمور يعني ممكن لو تيسرت تطلعي بالحكم بنفس اليوم أو ممكن بعد كم جلسه لذلك توكلي على الله و تقدمي بقضيتك و أدعي الله يسهل و ييسر عليك كل أمورك و يسخر لك عباده الدعاء ثم الدعاء و الله يفرج همك و ييسر عليك كل أمر عسير و كل مسلم