الي رفعت قضية نفقة تجاوبني

الله يعينك بس حطي بببالك ان القضاء عندنا ظالمين ويميلون للرجال

ياماما يوم اخوي طالبه بثلاثة الاف مصاريف خذاهم عيالي سنه وبهذل فيهم ماصدقت جووو وكنت احط مواضيع !!!
وهو جندي ولسانه حلو وقوي شخصيه مع الناس وكذاب وكلن يصدقه وفيه شرررررر سوى فيني بلاوي ماتصدق
اخاااف بكرا يحط فيني بعرضي او يفضح فيني
لا الله يقطعه هو وفلوسه
وفعلا القضاء يميل للرجل ويصدق الرجل
والله بيلقونها عند ربي لاتخافين هو واخته ذا على بالهم اغبياء
اخوي اللي مطلق بنتهم طلعو عيونه ومصاريف
انا ابي اعيش اهلي وعيالي بعيد عن شرهم ومكرهم
يكفي عيالي عندي الحمدلله يارب انا بنعمه ومستوره ,وماشكيت هنا ناقصني شي عندي
لكن الحقوق ماتضيع عند الله

مشكورين على الرد
لي سنة قلنا يمكن يحس ويخاف ربه لاكن مافيه فايدة وذلحين راح اطلب حقي من المحكمة
وهو من زمان يقول روحو اشتكو في المحكمة عشان النفقة

ما راح تستفيدي من المحكمة غير التعب ووجع الراس ويتولد الحقد بينكم.
اذا ناقصك فلوس قدمي على الضمان

انا سجلت دخولك عشانك
لاني نفسك بالضبط كنت اتمنى احصل اجوبه ..
عموماً . انتي لاتسوين زي ماقالوا البعض وش لك بالمحاكم ومادري ايش ؟؟
ليش سلامات الا روحي وخذي حق عيالك واذا عن الشوفه عادي جداً روحي انتي وواحد من اهلك تعرفين انه بيتكلم وبيدبر الموضوع ويناقش وسوي لك وكاله اوك هذي اول خطوه
ثانياً . سوي دعوه ارفعي عليه قضية النفقه واكتبي لهم كل شي بالورقه لاتنسين ولانقطه سواء انك تطالبين بالنفقه و كذالك بالنفقه السابقه اللي مادفعهاا .. وحددي الفتره بااضبط بالتاريخ لانه بيحدد المبلغ القاضي بناء علىيه من تاريخه ..
وابي انبهك،ع شغله لانه صارت لي وللاسف اضطريت ارجع من جديد
وهي انك تطالبين ب استقطاع المبلغ لحسابك .. عشان مايماطلك شهر يدفع وشهر يتحجج وهكذاا
وللا تيأسي ابداً وترى يالله لك الحمد والشكر كل شي تغير ولاتصعبون شي على الحريم االي تسأل وتروعونهم

. مابتاخذ وقت ممكن فقط شهر الى شهرين
حتى وان ماطل وماجاهم بعد الاستدعاء . بيجبر بالقوه الجبريه
اهم شي عندي تكونين قويه وتاخذين حقهم وانتي سجلي بالضمان حتى لو كنتي مقتدره طالبي بحقهم للن هذا حقهم بالشرع حتى ..
اتمنى تدعين لي ربي يسعدك ويفرج همك
موفقه