اختي جابت لي الاكتئاب شوفو ايش تسوي

مرحبا انا لي سبع سنوات زواج وصارت لي مشاكل وبلاوي وصلت للضرب من عمتي المهم صرت كل فتره اروح عند اهلي اريح منها شهرين وارجع وزي كذا صرت اذا رحت لاهلي اختي تكلمني وهي ماخذه اخو زوجي يعني خوات اخذين اخوان وتجلس تقرقر علي سوو وقالو وزوجك قال وسبك وحط فيك عند زوجي لان زوجها يوصلها هرج صرت ادق علا زوجي واتهاوش معه ويحلف لي بعيالنا انه ماتكلم فيني ولا شي وغير كذا اختي كانت تقول اخذو غسالتك ودوها لبيتهم بالديره لان عندي غساله لحالي بحمامي وانفجررت رحت دقيت ع زوجي وحلف لي انه ماحد جاها وفعلا يوم رجعت لقيت كل اغراضي مكانها صرت ماتجيب لي اختي سالفه الا اتهاوش مع زوجي لين صارت مكالماته قليله . والحين انا عند اهلي بسبب مشاكل مع عمتي ولاافكر ارجع واختي عندنا نقلو لنفس منطقة اهلي وصارت ماتجلس عندي الا تقول زوجك كلم زوجي ويتهاوش معه ويحرشة علي ومدري وش قلت اخوان بينهم طفشتني كرهتني بزوجي وشوي تقول زوجي يعصب على اهله عشاني ويسوي ويجيب لي طفششست وش اسوي علما ان زوجي طيب ومغلوب علا امره وهذا انا اصبر نفسي واطنشها

35 تعليق 13,571 مشاهدة

شاركي في النقاش

سجلي الدخول لإضافة تعليق.

التعليقات

34
  1. @kmr_mksof

    طيب انتي ليه تروحي لاهلك وتجلسين بالشهر والشهرين ؟ عشان امه. ؟ مو عذر تتركينه كل هالمده حرام له حق عليك وبعدين اذا عمتك تاذيك اتركيها قاطعيها وقفلي على بيتك ولا تعطينها مجال ثاني شي اختك وقفيها عن القال والقيل قليلها لعد تدخلين بيني وبين زوجي حتى لو سمعتي شي لاتوصلينه مايسير هذي فتنه والله يهدي سركم
  2. صاحبة الموضوع
    قمر مكسوف
    طيب انتي ليه تروحي لاهلك وتجلسين بالشهر والشهرين ؟ عشان امه. ؟ مو عذر تتركينه كل هالمده حرام له حق عليك وبعدين اذا عمتك تاذيك اتركيها قاطعيها وقفلي على بيتك ولا تعطينها مجال ثاني شي اختك وقفيها عن القال والقيل قليلها لعد تدخلين بيني …
    ماعندي بيت اصلا سكنت واهل زوجي سكنو معي .. مالي الا غرفة وحمام بس عشان كذا عجزت اتحمل
  3. يمكن اختك تغار .. فانتبهي منها ومن زوجها .. بعدين لازم تكون لك خصوصيه وماتدخل نفسها بينك وبين زوجك .. من الاخر لاتسمعي هرج منها وريحي راسك .. ولاتصدقين شئ الا تشوفين بعينك ..

تابعي تجارب أخرى من هذا القسم.