التجمع الثاني لأمهات مواليد ( مايـ..5..ـو & يونـيـ..6..ــو ) 2016

كان وحامي اني اشربه ودبرت لي وحده ودخلت الغرفه سكرت علي الباب علشان بناتي مايشوفوني 😁
اشفط واكح مااعرف بس اهم شي بالنهايه شربت منها وارتحت
سبحان الله الوحام شي غريب واذا توحمت الوحده على شي تضل تفكر فيه وتحلم فيه حتى انا من النوع اذا توحمت على شي مااكلته ابكي مثل الاطفال زوجي يستغرب من وضعي يقول اذا حملتي تستخفين وعقلك يصغر مايدري انو شي غصب عني والله يعينا ويصير وحامنا على اكلات صحيه
حاليا مشتهيه محاشي بانواعها خاصة الكوسه والملفوف وورق العنب 😩
بس خايفه اكلها وتلوع كبدي واكرها بتحمل لحد ماينتهي الوحام على خير واكل اللي اشتهيه

ماشاءاللهالله يديم النشاط. الحمدلله ما لاحظت بحملاتي اني توحمت على شي الا حملي الأخير كنت أشتهي الحلى. اكثر من المالح خاصة البسبوسه و حملي هذا غثيااان مستمر سبحان الله كل حمل يختلف عن الثاني

يممممممممممه منك موتيني ضحك ههههههههههههههههههههه
اتخيلت منظرك وانتي تشفطي سريع سريع عشان لاحد يشوف
ههههههه
/
انتي نفسي اذا اشتهيت شي ابكي منظري يحزن
زوجي يستغرب من هالتصرف
بحملي هذا بكيت مرا وحده لما اشتهيت مكرونه باستا بيني
بمطعم ابل بيز
والحمدلله وقتها زوجي كان شبعان نوم وقلي طيب قومي
والبس عبايتي جررري
لايغير رائيو وطلبت سفري واتربعت بالسياره اكلت لين عيوني طارت من الشبع
دحين كرهتو الله يعز النعمه
حاليآ مافي شي مشتهيه اكلو
بس احب الفواكه
زي البرتقال واليوسف افندي والكمثرى والكرز
بس حاليآ ماعندي الا كمثرى قلت لزوجي يجبلي ويقضيلي
واحب اكل الزيتون الاخضر الي يكون محشي بالفلفل البارد الي مافيه فص
بس من ناحية الاكل الدسم لسى مااشتهيت شي

ايوا سبحان الله كل حمل يختلف عن الثاني
في بكري كان عندي بس استفراغ وكنت خفيفه
وماافيا غثيان ابدآ يعني بمجرد مااني استفرغ ارتاح واصير طبيعيه
وكمان كنت اشتهي اكلات يعني اكل بس استفرغ

حملي هذا
فيني استفراغ مع غثيان واكره لعابي وثقلانه
ونفسيتي مسدوده من الاكل مااشتهي شي

الله يعينك حاولي تنسدحي وان شاء الله يخف الم الظهر