تجمع امهات المستجدين والمستجدات على بركة الله(1436-1437)

اها الله يكون في عونك
لا احنا نفس الجمل ديه بس كل جملة لحالها ويكرروها
بس صح المدارس الي تشد صعبة وتعب وارهاق للام والطفل
بس من جهة ثانية ماشاء مستوى الطفل يكون حلو وتلقي مستوى طلاب الفصل بصفة عامة عالي
بس اهم شي عشان تعبكم لايروح عالفاضي بنتك اتأكدي انها تعرف تقرأ الجمل ديه الي بتكتبها
كل شي بالتدريب نتعب دحين في التأسيس عشان نرتاح بعدين
وبعد التعب والارهاق سويلها برامج ترفيهية وكدا
سويلها اكله حلى تحبها
ولدي لما يطفش ويقول بس واجب بس واجب
اصبره اقوله شوف الاستاذ هنا ايش كتبلك شوف وشوف
يعني باعطيه دافع
انا ولدي اهم شي عنده انه يتمدح دا مفتاحه
وانتي شوفي مفتاح بنتك ايش عشان تقبل عالمذاكرة رغم التعب والارهاق بمعنوية عالية عشان تعرف انه في مكافاة سواءا حسية او معنوية

ايوه كل هذي الجمل يكتبها لهم الاستاذ بالواجب .. وقاله زوجي ليه تعطوهم كلمات طويله قال لازم حتى لو ماتقن عشان مع الايام يعرف كيف تنكتب الاحرف وكذلك القراءه البصريه للجمل الطويله هو الطفل بيقراها حقظ صح بس العقل بالتدريج يعرف كل حرف كيف انكتب في بدايه الجمله واخرها

وانا امس اقول ليه يعطي ولدي ورقه كلمات ويكتبها لنهاية الصفحه طلع كل المدرسين كذا 😣
بس لو انتظروا يخلصوا الوحده الاولى ع الاقل ليه كذا مستعجلين عليهم 😔
ومشكلة ولدي بطيي بالكتابه يعني بس كلمة اسماء واحلام ومشعل ومهند وعمر كل كلمة يكررها 10 مرات جلسنا فيها 4 ساعات تقريباً 😭 عيالكم كذا ولا بس انا ؟

هههههههه
ايوة يطولو بس مو 4 قولي حدود الساعة
عشان كمان يكتب وامسح او هو يمسح لازم صح والا الاستاذ يعدله بالاحمر
ولدك يكتب ويروح يلعب ولا قصدك 4ساعات متواصلة

ارق المعاني بدأت دورات الكاراتيه والسباحه هالشهر انا سجلت ولدي فيها .. فرع المنار بداو ؟