تجمع الأمل ( 89 ) للمقدمات على عملية أطفال الأنابيب والمنتظرات نتيجة التحليل

اختي الغاليه ضحكة فجر اسال الله ان ييسر امرك ويفرج همك ويبشرك بما يسرك ..
انتي حاولي تطلبين تحويل على التخصصي الرياض والله مواعيدهم مو مره بعيده لدرجة سنه وشهرين فيه مجموعه قابلتهم الاسبوع الي راح اغلبهم اخذوهم من الشهر السادس او الخامس وانا كمان ما طولت مواعيدي بس شوي عشان كان ناقصني تطعيمه الحصبه الالمانيه وبعد التطعيم لازم ثلاث شهور ما يصير حمل هذا تكثر شي اخرني وتعاملهم قمه في الذوق الله ييسر امرك ويفرجها عليك من حيث لا تعلمين ..

هلا اختي الله ييسر لك ويكتب لك الحمل السليم ويحقق لك كل ما تتمني .
الترجيع احتمال السبت او الاحد اذا كان زي التخصصي انا سويت السحب الثلاثاء والترجيع الجمعه ..
وبالنسبه للالم ابد مافيه الم ولا تحسي بشي بتكوني مشغوله مع الاجنه وانتي بتشوفيها تدخل الرحم والفرحه تنسيك اي الم ..
الله يتمم لك على خير ويوفقك يارب ..

هلا فيك اختي الله يحييك بيننا ..
اولا توكلي على الله وخلي املك فيه كبييييير ولا تفكرين في العمر فيه ناس يسوونها اكبر منك بكثر والله يكتب لهم الحمل ..
ثانيا تري الحمد لله المستشفى التخصصي بالرياض من افضل المستشفيات في هذا المجال بس مشكلتهم زحمه شوي انتي سوي زي ما قالوا لك وخلي الباقي على ربي انا اعطوني موعد زيك بعد تقريبا سنه من التحويل ورحت اعادوا تحاليل وتحاليل زوجي واعطونا موعد بعدها بثلاثه شهور جينا للنتائج قالوا زوجي سليم مع ان المستشفى الي حولنا قالوا عنده تشوه بنسبه كبيره وضعف الحركه بس التخصصي قالوا مافيه شي وبعدها قالوا اذا جتك الدوره اتصلي كان هذا شهر 6 وخذوني في هالشهر ولله الحمد والشكر ..

لا
حبيبتي انا بمواساة الدمام

ي عمري يعني مابدو فيك الا بعد سنين من قبول الحاله؟؟