وأوقفتني عباءتي بباب غرفة العمليات!!

جزاك الله كل الخير

موقف مؤثر ومشرف..اسال المولى ان يرفع قدرك به
ويجعلك من الشامخات الثابتات على الحق..
الله يسعدك
انتظريني اقول موقف حصل لي بس اشوف الفرن لايقول لي زوجي كله من عالم حوا

الله يجزاك خير ويستر عليك وعلى بنات المسلمين


انا صار لي موقف تأكدت من بعده ان من ترك شيء لوجه الله عوضه الله خير منه

بعد مارجعنا من السعوديه لبريطانيا تعبت بنتي ودخلناها المستشفى وشوي شوي تدهورت حالتها ودخلت
العناية المشدده ( لان الرئه عندها تعبانه من زماااان بس اول مره توصل لهالمرحله )
طبعا اشرف على حالتها اكبر استشاريين صدر للاطفال هنا
كان طبيبها حاصل على المرتبه الاولى ببريطانيا في تخصصه( امراض الصدر عند الاطفال )

وفي يوم قالوا لنا الرئه تلفت تماما ( وهي عايشه على التنفس الصناعي وما احنا عارفين وش فيها؟
وايش اللي وصلها لهالوضع؟ ولا ايش العلاج؟ )
وكان عندهم فرصه وحيده وهي انهم يعالجونها بهرمون حيواني يؤخذ من الخنزير يصب داخل الرئه
واحتمال نجاح العلاج غير وارد بس قالو نجرب افضل من احنا نوقف نتفرج

وكانو يقولون ماراح تعيش اكثر من كذا لازم توقعون على الموافقه على هذا الهرمون الليله
ومن بكره الصبح نعطيها
وكانو متأكدين ان احنا بنعارض وحاولو يقنعوننا
بس زوجي قال مافيه بديل فرد الدكتور وقال فيه هرمون بقري لكن مو متوفر ممكن يجي بعد يومين او ثلاثه بس ما اضمن لك البنت تعيش لين يجي

وقرر زوجي بعد ما اتفقنا ان من ترك شي لوجه الله عوضه خير منه
ورفضنا رفض جازم مع عدم يأسهم في اقناعنا
وظل زوجي طوال الليل يفكر ويقول اخاف يصير لها شي ويحاسبني ربي على اهمالي
ودعينا لها

ووالله يابنات انها ثاني يوم بدت تتحسن بدون اي علاج
والحين ولله الحمد مافيها الا العافيه
مع العلم ان الاطباء احتاروا في حالتها
ما اخذت ادويه ولا هرمونات وتعافت بدون سبب

الله اكبر ( مايعرفون ان فوق كل ذي علم عليم ) سبحانه