ياقلبي النزله المعويه مو اسهال بس
واستفراغ وتعب جسم
شلت ولدي خرقه يناظرني ويرجع ينام
ركضت فيه للطوارى مايوقف ولدي هذا يوم العيد بالليل
وكانت معي اختي الله يجزاها كل خير ويرزقها من اوسع ابوابه ماتتمناه واكثر من خيراته
لاني تعب وشوي اطيح من التعب لاني حامل وجوعانه ومنسده نفسي وانا خلقتي خوافه اجتمعوا علي
بعد ماخذ ولدي المغذي وابرة الاستفراغ
نشط ولدي وبداء يلعب وصحى ورحت وصحت هههههههه
ومن بكرا قام يلعب وعادي بخير
دام الاستفراغ وقف
بس جاه اسهال عادي ولدي ياعب ويجي ويروح
بس النفسيه ثاني يوم تكون مسدوده عقب اللي جاء معدته من الترجيع
لكن بعدها عادي يرضع وياكل عادي بس الاسهال مويه تخيلي واقف ماندري الا ماء اصففر تحته
جلس اتقريبا اسبوع ووديته للدكتور والله بلشت فيه بالمستوصف اخذت معي ثياب وحفايض اذا رضع او شرب ماء نزل اسهال مويه وغير لبسه
وشافه الدكتور قال هذي بمعدته باكتيريا واضطراب بعد النزله المعويه
وعطاني له شرابين اثنين
ويارب لك الحمد وقف الاسهال ثاني يوم
بس صار معه مغص اذا جاء يسويها
اذا رضع الحليب قام يلعب يجي لكي يرص بطنه يقل اي اي ويجلس وبعدها يوسخ عرفت ان معدته ماتعدلت
ورحت سويت له رضعت يانسون مع كمون وحبة البركه
وشربته اياه دافي
والحمدلله راح المغص وقل عدد المرات اللي يسويها
لكنه بعد ماطاب صار يسوي ثلاث مرات بس مو اسهال استغربت ماكان يسوي ثلاث مرات وريحته نفاذه
وبعد قبل لايسوي يجيه مغص قبل
مع اليانسون اختفت المشكله
حتى حبوب طلعت بالمنطقه بسبب الباكتيريا اللي بالمعده بعد اليانسون مانظف معدته وقتل الباكتيريا اختفت الحبوب
كنت احط اليكا ام على الحبوب لانهم اكلووووه الحكه بس مايروحون يزيدون
بس بعد ماتطهرت معدته باليانسون ونظفت
الحبوب اختفيت مع اليكا ام من بكرا
اليكا ام ماينفع ولا تستفيدين منه الا اذا كان الطفل نايم
يعني نومت ولدك الطويل حقت الليل ذي
ادهني فيه اليكا ام وهو نايم
ماراح يتحرك الطفل وبكذا يستفيد منه
لكن اذا الطفل صاحي لا ماينفع اليكا
الحفاظه تشربها ومع حركة الطفل وجلوسه وتحركه تتحرك الحفاظه وتمسح اللي على المنطقه
كذا ولدي اذا صاحي ماكاني داهنته بالكريم ذا
بس ماحطه الا مره باليوم وهو نايم بالليل والحمدلله لاقام الصبح الا كل شي مختفي
تعبت من الإسهال أبي شي يوقفه =(
متابعة النقاش، صفحة 2