الله يبارك فيكم جميع 🌹🌹🌹
يوم الجمعة بالليل طلبنا من كنتاكي سبايسي 😂
اكلت قطعه بس وماتحملت من معدتي ليلتها مانمت من الالم
وصحيت الصباح الله يكرمكم انتفاخ واسهال انهد حيلي منه
وانا رايحة جايه ع الحمام الله يكرمكم ولا فبالي اي شي
لين تعبت العصر قررت اروح لمستوصف جنب اهلي اخذ اي شي يوقف
الاسهال قالت الدكتورة اصعدي اكشف عليك الاول واول ماكشفت
قالت مفتوح الرحم 4 سم ولاده ماراح تكملين للساعه 10 اطلعي للمستشفى
طلعت البيت اخذت اغراضي واستودعت الله عيالي عند امي ورحت لمستشفى الحبيب
اول مادخلت استقبلتني دكتورة حسبي الله عليها سودانيه ف الطواري
فحصتني قالت من قالك ولاده قلت المستوصف قالت احنا الي نولدك ولا الي بالمستوصف تتطنز يقالها
قامت تتفلسف
بيتك بعيد ولا قريب
تبغين ابره ظهر ولا لا ؟!
يعني كنها تقول اقرر ادخلك ولا لا
بس رحمه من ربي لي انتهى دوامها قالت ارجع بعد ساعه اشوف التخطيط ولا رجعت جت بدلها وحده هنديه عسل
الهنديه من فحصتني قالت 4 سم ماشاء الله يلا ولاده
ولبسوني وصعدت وجت الدكتورة فحصت قالت 5 سم ماشاءالله الطلق زين بس بفتح موية الجنين
بعدها صار الالم لايطاق وحطولي طلق صناعي بالمغذي
وبدأ الموت الم فضيع الله المستعان بعمري ماجربت زيه
بعدها جت الدكتورة خالده العتيبي الي اتعب وانا اقول ربي يسعدها
عسل هالانسانه ربي يسهل لها زي ماساعدتني وسعت لي بيدها
وقالت 7 سم كل ماجاك طلق ادفعي بس عنق الرحم قاسي
والبيبي يده على راسه بالعربي تعسرت شوي💔
قالت لازم ابر باسكوبان عشان يلين عنق الرحم
تخيلوا بعد كل هالتعب ويرجع الرحم يسكر 6 سم
وتوسع لي بعد 3 ابره قالت يالله ادفعي وادفع لين انهد حيلي صرت ارجف قلت مقدر خلاص
وهي رحمتني مره تعبت صرخت صراخ بعمري ماصرخت كذا
اختي كانت واقفه برا تقول انهبلت ياحرام من صياحي قعدت تصيح معي وتدفع 😂
المهم بعد عناء طويل جداً جداً الساعه 11 طلع الجنين نتفه صغيييييييييير وزنه يادوب 3
ويحطونه على صدري واقول مابيه خذوه 😂
كله من ابره المسكن سببت لي هلوسه لما قالوا لي وش كنت اقول بالولاده ماتذكرت 😂😂😂
الدكتورة الله يسعدها تعبت معي مرة وتحملتني
وخياطها جداً مرتب طبعاً انا طلبت تجميل بزياده فلوس
والحين محدثتكم مو قادرة تقوم من الم الخيوط💔
الله المستعان تعبت مرة بولادتي لكن شوفته الحين بالدنيا الحمدلله حمداً تستديم به النعم
طبعاً في ملاحظات على البنات الله يسامحهم
الي مدحوا الكمام وانه يسكن الالم والله كلام فاضي ولا يسوي شي
اول مرة اولد بدون ابره ظهر واخر مرة لانه مافي شي يسكن فعلاً غيرها الله يكتب لنا الاجر ...
طبعاً عنايه المستشفى والممرضات اكثر من رائع انصح فيه بس اذا شفتوا دكتورة سودانيه بالطواريء هجوا وبس 😂
بقدومه هلت البشاير 💝🎉🎉💙وصوته هز المشاعر التجمع (5) لأحلى مواليد سبتمبر واكتوبر ..
متابعة النقاش، صفحة 305