شاركي في النقاش

سجلي الدخول لإضافة تعليق.

التعليقات

2,000
  1. @sghyronh_hnonh

    صاحبة الموضوع
    فجر حايل
    بالتوفيق ويارب تجين تبشرينا بحملك ..
    الطيوبه.
    مبروووك دخولك الثامن بسم الله وماشالله ربي يسهل عليك ويقر عينك بشوفة الكتاكيت 😍
    ولاتكلميني عن النفسيه 😭
    اقول لزوجي فيني اكتئاب لو عطيتني مليون ريال مافرحت فيها انت جرب وشوف😜
    بالنسبه لبرنامج حاسبة الحمل حسبته غير صحيحه ونقصني اسبوعين توني امس حاذفته وحتى الكلام اللي يقوله مو صحيح ..
    ريومتي2010
    الف سلامه عليك ،، ماتشوفين شر وكل اللي قاعد يحصلك طبيعي كلنا مرينا فيه ، وبشري انتي باي اسبوع عشان نشوف حامل بتوام ولا ثلاثي ☺️ يارب عوضها بتوائم تامين الخلقه من غير زيادة او نقصان..
    دلع بنت ماجد
    ماراح اخليكم بطل عليكم من فترة لفترة اشوف
    وش صار عليكم ولو محتاجين شي ماراح اقصر لان خلاص ان شالله بكون خبره 😌 واجي واتفلسف عليكم
    Hams22
    كيفك هموسه ياحبي لك ،، مدري ليه احس اذا شفت ردك احس انك معلمة دين وتمشي وتستغفر بهمس اس اس اس اس وجزاك الله خير على دعواتك الطيبه ويسهل عليك ..
    Ne3Na3a
    خلي عنك الوساوس والقلق .. احس عيالك
    اللي فبطنك بيطلعون يصفقونك ويقولون يمه اعقلي لاتخافين علينا ويرجعون بطنك😂
    وتبين الصراحه انا كذا اوسوس بس انتي تخطيتي ني بمراحل .. الله يتمملك على خير ويقر عينك بشوفتهم .. ❤️
    Naya_123
    مبروك دخولك الشهور الاخيره والله يتمملك وعلى خواتي بالخير .. وفكرتك بالتسوق حلوه انا قاعده اطبقها ..
    ونصيحه خلصوا من بدري قبل السابع. .. اليوم كنت طالعه المستشفى اخذ ابر الحديد بعدها قلت خليني امر على رد تاغ اللي بالشارع ودخلت وجات بنت يمكن عمرها عشره
    شافتني وصرخت وحطت يدينها على فمها وراحت تجري سحبت اختها وجابتها الى عندي وقالت شوفي بطنها وانفجروا ضحك 😤
    ابد ماكسروا بخاطري 😢 واغطي بطني بالطرحه اقول لزوجي هاه اللحين واضح
    قالي ابببببببد مو واضح 😏وعطاني ذيك النظره وش تغطين وش تخلين..
    الزبده لا تطلعون بالثامن ،لان بطنك فـ ا ذ يـ حـاه
  2. @sghyronh_hnonh

    صاحبة الموضوع
    لمو1414
    بنات كل وحدة تقول لنا كيف طريقتكم بالاستقبال وقت النفاس يعني لكم وقت محدد او تحددوا يوم للاستقبال او مفتوح عندكم عادي اي يوم وايش تقدموا.. حنا عادي من اول ماتولد الوحده من تطلع من المستشفى تبدا الزيارات ووقتها من بعد العصر الى العشاء او…
    طريقتنا ياحبيبتي ..

    نجهز الغرفه حقت الاستقبال بالبيت .. ولازم النفاس تلبس لبس نفاس سكري او ابيض طقم مع الطرحه والمفرش
    والزوج يشتري ذبيحه للزوجه عشان تاكل منها وتتغذى ويسون عشا بالبيت من الذبيحه ونعزم المقربين ويتعشون ويمشون ..ويكون فيه طاولة استقبال .. ومايجون بعدها كثير في النفاس .. قليل جدا ..

    وبالسابع نسوي عشاء بالاستراحه اسمها تمايم( مرات يتاخر السابع اذا كان فيه ظروف ) و نعزم الكل (الاقارب والصديقات و و ) ..
    طبعا نفس طاولة الاستقبال نشيلها ونحطها بالاستراحه .. (طبعا حركة طاولة الاستقبال جديده بالسنوات الاخيره والا من اول قهوه وشاهي وحلا ومعجنات )

    وبس هذي طريقتنا ..
  3. @ord_blo

    ام وريف

    كلامك صح وعين العقل

    بس سبحان الله العين اذا ربي كتبها بتجي لو هم حتى ماخرجوا للناس

    امكن عشان احنا متاخرين عن الحمل ومتحمسين مرررره ولاعندنا عيال قبل ....

    بس ناخذ بالاسباب و امكن انتو مايجيكم ناس كثير والله المجلس عند امي يصير من الباب للباب الثاني وجمعة كثييييير حريييم وانا بصراحه ضد اني اطلعهم بالذات اذا حريم كثير

    تخيلي مامتك او اخواتك يضيفون الناس والا يشوفون طلباتك والا البيبيهات من يسكتهم ويشوف لهم ويقومون يساعدونك الضيوف

    مادري ماارتحت للفكره ابداً

    و اختلاف الرأي لا يفسد للود قضية




    لمو الطيوبه

    كنت انا وزوجي مخططين بعد الاربعين نسوي حفله بالاستراحه وبس اهلي واهله ولما حسبناها بصراحه بتكلف وزي ماقلتي لمو التكاليف قدها من اول وليتنا نخلص الي علينا

    فقررنا باذن الله ع حسب العقائق شي نتصدقه وشي نجتمع مع اهله واهلي في بيت اهله لان ابوه مايطلع من البيت الا للصلاه وقلت له باذن الله بعد مااقوم من الاربعين بالسلامه
  4. @am_oryf_2010

    وردة بلو
    ام وريف كلامك صح وعين العقل بس سبحان الله العين اذا ربي كتبها بتجي لو هم حتى ماخرجوا للناس امكن عشان احنا متاخرين عن الحمل ومتحمسين مرررره ولاعندنا عيال قبل .... بس ناخذ بالاسباب و امكن انتو مايجيكم ناس كثير والله المجلس عند امي يصير…
    الله يسعدك ي قلبي ويقر عيونكم بشوفة أولادكم وأولاد أولادكم وتفرحو فيهم ياارب وأكيد ي قلبي اختلاف الرأي لا يفسد للود قضيه ❤️❤️❤️❤️
  5. @hams22

    بالنسبه لعاداتنا اجهز الغرفه بشي ناعم وبسيط والمفرش واللبس وسرير النونو اكون مفصلتهم وتكون ناعمه والضيوف من يوم اولد لحد ما اخلص الاربعين البيت مفتوح والقراب مررره يجو الصباح بفطورهم ويمشو والناس البعاد زيارتهم العصر اغلب شي وبعض الاقارب كمان الي مايحبو خرجت الصباح وما تجي الوحده الا معاها قهوتها وشاهيها وحليبها وحلاها يعني اغلب شي يجسبو معاهم الضيافه والاستقبال البعض ساير يجهز طاوله استقبال بس بالنسبه لي حلاو وتقديمات وهدايا بالثيمات وانتهى مو حابه اتكلف اما عن السابع بالعاده نسويه في استراحه ونعزم مين يعز علينا اهلي واهله بس المره هذي انا اقوله مو لازم نوزعها ونكسب اجر افضل من الاسراف والتبذير
    صغيرونه
    ضحتيني لا مو مدرسه دين مدرسه رياضيات بس سبحان الله احب ادعيلكم وادعي للكل الحمدلله احس انتو اخواتي لان نتشارك كل شي ما احد يدري اني حامل بتوائم والكل يقول شكله توام والف الهرجه زوجي يقول انكري بس ما اعرف اكذب الف السالفه اقول هو بطني كذا والا ماكشفت لسى والا مو بااين وبعض الاحيان اقول الله يسمع منكم يارب
    لمو
    عاداتكم زي عاداتنا في الاستقبال والسابع كمان والاغلب اتوقع نفس الشي
    اما عن الاطفال محتاره كيف باخلي الاثنين جنبي او كيف في سرير واحد او سريرين للان ما ادري امكن اخلي واحد جنبي والثاني بالغرفه بس عارفه بيقوولو فين الثاني بنشوفه والحمدلله ما يجوني غير الحبايب ومن يعز علي استحي ما اخرج الاثنين بس بحصنهم واتوكل على الله