شاركي في النقاش

سجلي الدخول لإضافة تعليق.

التعليقات

49
  1. @shoooook100

    يعني زوج اختك مدمن!
    أو مجنون مايعرف اسمه!
    اختك وزوجها مافيهم شي بس بينهم عناااااد كبير لدرجه انه يبي يقهرها بالعيال هذا هو عناد الرجال
    سمعتي بالمثل مزاحم الجبال ولامزاحم الرجال
    أسهل لك تحركي جبل ولاتعاندي رجل
    أيضا ينام معها وتحمل ووقت الزعل نايم في المجلس
    وبين لي أنه وقت الزعل اختك ماتمسك لسانها اذا عصب تسكت لين هو من حاله مايلقى أحد يرد عليه ويبطل الأسلوب بس دام يلقى من ترد راح يعصب ويصارخ ويضرب ويطلعها الشارع بدون عباه بعد
    عشان كذا ابوك مو واقف مع اختك لأمه فاهم الرجال ليش سوا كذا وعارف فيه شي مو صح في العلاقه بينهم وان اختك مافهمت كيف تتعامل مع زوجها
    بس يبي لاختك تتعلم أسلوب التعامل مع الزوج وأسلوب كيد الحريم معه لطلبات البيت والدلع والشكر له مو لازم ليالي حمراء لا بس تغير اسلوبها وراح يركض يلبي طلباتها طبعا اذا كانت بحدود المعقول
    نجي يمنعها من الجارات يختي الحريم ماوراهن خير تشوف هاذي وتدقها هاذي بالكلام وتجي شايشه على الرجال وتصير مشاكل وعناد وكلن يبي يمشي كلمته
    الخاسر الوحيد من هذا كله عيالها عايشين مشتتين محرومين من حياه طبيعيه وحنان الأم
    والحل
    يجيبون ناس لصلح بينهم هذا أولا لأنه صعب اختك ترجع من حالها تقول لابوك جيب ماس تصلح بينا عشان عيالي
    ثانيا اختك تغير أسلوبها مواجهه لا تاخذة بالسياسة
    بالكلام الحلو
    الكلمه الحلوة ماتكلف شي بالعكس تأخذ حسنه عليها
    الدنيا كلها تقوم بسبه كلام وتنتهي بالسياسة
    أو الحرب وشوفي الحرب كم يخلف من دمار وراه
    ياما تختار السياسه أو الحرب وتدمر عيالها يعيشون معها حياه طبيعيه
    كل الي يحتاجه زوجها احترام
    تحترم رأيه قال مافيه جارات تقول طيب
    والجارات بين فترة وفترة يجونها هم وتقول والله جوني وعيالي فتحوا الباب اطردهم بعد دخلوا بيتي . .هاذي سياسه لين يتعود على الأمر وينفرض رأيها عليه بالسياسة مو عناد والله اروح وهو والله ماتروحين وهات ياسب وضرب
    الشي الثاني بعد الاحترام تمدحه تشكره لو علبه مويه تقول الله يسقيك من انهار الجنه ياطيب انت
    أي شي لعياله يطلبونه هم وهي اذا جاب تقول الله يخليك لهم ي حنون انت
    لو طلع ومشاهم لو جاب بس اسكريم تقول الله يبرد على قلبك مثل مابردت علينا
    طلبات البيت الله يسعدك ياعمري ويكثر خيرك ويعوضك يارب
    وهكذا تبي شي منه بأسلوب تطلب رفض تقول طيب مصيرة يشوفها كذا ويرجع يوافق
    الصوت دائما وابدأ تكون أنثى في زعلها في تربيتها وصراخها على عيالها وقدامه مو تتحول إلى رجال وتصارخ وتدعي
    اذا سوو شي عياله تقول قدامه بصوت هادي الله يهديكم ويصلحكم وهو راح يعلمهم يحترمونها اذا شاف كذا عكس لو صارخت راح يقويهم عليها
    الحين لا تجي وحده تقول ليه وتوريه العين الحمرة
    لا ياعمري الحياه الزوجيه تفاهم حب ومودة مو مضارب وصراخ وعناد
    وفي الاخير عيال مشتتين معرضين لتحرش والاستغلال من قبل الأقارب قبل الغريب
    ولنا في رسولنا قدوة حسنه وزوجاته الائي لايخرجن إلا بشورة ورضاه بالصبر والصلاه والدعاء
    وتغير نفسها أولا والصبر مع الوقت هو راح يتغير غصب عنه ومافي عليها لوم من أهله أو أحد ثاني راح الكل يشهد لها مو عليها

    أخيرا تشوف وتتابع وومكن تتصل بعد ب الدكتور ميسرة طاهر مستشار أسري ممتاز رقمه موجود في بيت المشورة تبحث عنه في قوقل أو
    وتشوف محاضرة بعنوان تعرف على شريك حياتك لدكتور ميسرة طاهر . حداد جدا ممتازة راح تفتح عيونها ل أشياء تغير حياتها وان شاء الله تجين تكتبين لنا قصه اختك من هاوية الطلاق وضياع العيال إلى حياه سعيده في ضل زوجها ومع أبنائها يارب


    نا المحاضرة ياليت تشوفها مرة واثنين وعشرة وكمان تشوف مقطع متى يغضب الرجل




    فيديو YouTube..


    فيديو YouTube

    اسعوا في الصلح أولا عشان مستقبل 4 اطفال والخامس المسكين الي في الطريق
    وتعالج نفسها أولا راح يتغير زوجها ويصير زي العجين تشكله على ماتبغى بس تسمع لهذا الدكتور له خبررررة سنوات في مجال الأسرة
    بالتوفيق لاختك يارب
  2. @nkth_faslh

    جريحة الكلمات
    ابوي رافض لانه قايل لابوي انه مريض وثانيا لانه قريب له ومايبي المشاكل تكبر
    ماعاد به كبر اكثر من حرمانه لها من عيالها
    لو بدلهااسال ابوي بتوقف معي ولا لا
    واقل شي تسويه تطلب الطلاق دايما نسمع وحده تسكت عن الظلم لاجل عيالها بس اختك عيالها مو بمعها فإيش له الصبر اجل
  3. @myooom_2

    • الله يعينها
    • بس هي الله يهديها عارفه وضعه وللحين تحمل
    • لاهي قادره توفر لهم بيئه مناسبه ولا أب زي الناس ليه تخلف
    • وماشاء الله على ابوك
  4. @am_ryma_60

    قريب وش قريب الله ياخذ حقها منه يعذبها وترجع له ليه الله لااعادها عيشه خلاص عيالها يكبرو واذا فيهم خير يجوهااذا كبرو وهي خلها تتهنا باللي بقا لها من حياتها بعيد عنه العمر مايرجع اذا راح
    الله يعينها ويصبرها

تابعي تجارب أخرى من هذا القسم.