شاركي في النقاش

سجلي الدخول لإضافة تعليق.

التعليقات

2,010
  1. الطبيعي يحسدو القيصري
    والقيصري يحسدو الطبيعي
    وكلن على همه سرى
    انا ولاداتي3 كلها قيصري واتمنى اولد طبيعي😣😣
    يلا انتظر قصتك نعومة
    عشان اعرف احسدك ولا احسد نفسي😅
  2. @naaom_alrthath

    السلام عليكم
    الله يسلمكم جميعا ويبارك فيكم ويديكم ساعة السلامه وتفرحو بأطفالكم
    اعذروني تأخرت عليكم
    في الفتره الاخيره من حملي صرت اراجع عند الدكتور حسين في المطبقاني وندمانه اني ماراجعت عنده من البدايه
    انا كنت اسمع عنه انو ممتاز بس ماتوقعته كذا
    هو لما شاف انو معاي سكر حمل واني في الاسبوع 39 على طول كتب لي تنويم
    رحت المستشفى الصباح كانو المناوبين الدكتوره انوار والدكتوره اميره ومر علي الدكتور حسين
    اللي ولدوني انوار واميره
    كلهم ماشاء الله خلوقات وطيبات لكن انوار عندها خبره اكثر
    اثناء الطلق اعطوني مسكن بدون ما اطلب ابره في العضل بدأ مفعولها بعد عشر دقايق بس حلوه مره دوختني وكأني حلمت حلم كمان😇
    لما فتح الرحم 8 سم ودوني الكشك واعطوني الكمام الشفاف
    الله يجزاها خير دودي باشا شرحت لي كيف استخدمها وفعلا لها مفعول حلو بس المخدر اللي فيها خفيف عشان تقدري تدفعي
    انا كنت صاحيه واسمعهم واشوفهم لكن ماحسيت بالتوسيع الحمدلله اللي وسعت لي الدكتوره اميره
    وكمان لما خرج البيبي ماحسيت بألم مع اني صاحيه بس حلو المخدر مدوخني
    خلاص لما خرج النونو حطوه شويه على صدري بعدين شالوه وزادو لي المخدر وماحسيت بالمشيمه ولا الخياطه مع انو كنت اسمعهم يهرجو وصحوني لما خلصت الخياطه
    الدكتوره انوار راحت بعد ماخرج النونو واللي خيطتني اميره
    غرفة الانتظار مافيها حمام الحمام جنب الغرفه من برى وتخرجي له بدون عبايه لان ممنوع دخول الرجال نهائيا
    في الانتظار الي يسمونها غرفة المخاض كان معاي زوجي بس في قسم الولاده ممنوع احد يدخل بالذات الرجال
    العنايه عندهم مرررره عجبتني بعد مارحت غرفتي جاتني الدكتوره اميره
    وبعد ساعه جاتني عفت ومعاها وحده ماعرفتها
    وجاتني دكتورة الاطفال تطمني ع البيبي عشان معاي سكر وغده
    وفي الليل مرو علي دكتورتين
    هذا غير الممرضات اللي يقيسو الضغط والحراره كل شوي
    وبعد الولاده اعطوني ثلاث علب مسكنه عبر الوريد مره حلوه تخفف الم الخياطه والمغص
    وعملو للبيبي كل التحاليل بما فيها السكر والغده
    عنايتهم مره حلوه ويعطو مضادات ومسكنات على طول بدون طلب
    الولاده الطبيعيه ب 4500
    والقيصري ب 12 الف
    تزيدي 100 ريال اذا تبغي غرفه خاصه
    انا اكتب من الايباد اعذروني اذا في لخبطه
    واي سؤال انا حاضره
    ربي يسهلكم جميعا🌹
  3. @rkooood

    السلام عليكم بنات الله يخليكم الي سوت قيصري بنج نصفي تقول لنا ايش الافضل؟وهل فيه اشياء تسويها بعد العمليه...مثلا ماتنام ع مخده وزي كذا....الله يهون ع الجميع يارب..
  4. نعومة الرذاذ
    السلام عليكم الله يسلمكم جميعا ويبارك فيكم ويديكم ساعة السلامه وتفرحو بأطفالكم اعذروني تأخرت عليكم في الفتره الاخيره من حملي صرت اراجع عند الدكتور حسين في المطبقاني وندمانه اني ماراجعت عنده من البدايه انا كنت اسمع عنه انو ممتاز بس ماتوقعته…
    ماشاء الله تبارك الله تجربه حلوه والتساهيل من الله
    يالله ربي يسهلها عليه وع الباقيين
    والحمددلله ع سلامتك 🌹🌹🌹

تابعي تجارب أخرى من هذا القسم.