السلام عليكم
انا والله في حيره
شورو علي كيف اتعامل مع بنتي
بنتي عمرها ست سنوات
تستحي تظهر مشاعرها
اسوي لها عيد ميلاد زعلانه
اشتري لها لعبه مع خواتها زعلانه
هي طبعا اكبر بناتي
عندي بنتين اصغر منها
مثلا شريت لها مريول انها اول سنه فرحانه ببنتي بكري ان دخلتها المدرسها اصفق لها وقول لها اشحلو مريولك طبعا شريت لها مريولين مريول خليتها تختاره ومريول انا اخترته معاها برضاها
شنو تتوقعون رده فعلها برطمت واستحت تفرح وزعلت
مثلا اليوم
هي عندها بنات عم من عمرها وكلهم في اول ابتدايي
واليوم الزواره
بنتي مع بنات عمها الثنتين عندهم ورقه وقلم كل وحده اكتبت اسمها
بنات عمها قامو يدورون على الجالسين فرحانين ان يقولون لهم اشحلو خطكم
وهي زعلانه
في المدرسه الاستاذه تصورها مع زميلاتها انهم من المتفوقين الكل مبتسم وفرحان الا هي زعلانه
المدرسه مستغدبه تقول ليش هالغرور
عماتها قالو لي اشفيها زعلانه ليش ماتفرح ان احنا نمدح خطها
امي دايم تقول شوفي بنتك تره موب حلوه اخلاقها لحقي عليها قبل لاتكبر معاها هالصفه
شسوي
اسئل امي تقول مادري عنك انتي وبنتك
شاركي في النقاش
سجلي الدخول لإضافة تعليق.
التعليقات
7- تعبت منها
طقيتها قلت لها في وقت الفرح فرحي استانسي مانفع معاها عاندت اكثر
فشلتها قلت لها شذا يعني تستحين تضحكين يلا عيب ضحكي. عاندت اكثر وتعقدت اكثر - احسي انك مهتمه فيها اكثر من خواتها عشان كذاا تتصرف مايبي لها كلام يبي لها فعل
طنشيها فتره واهتمي باقي بناتك خليها تعرف انها وخواتها سوا من ناحيه اهتمام مو لازم اذا سوت شي عادي تمدحينها لدرجه انها سوت شي كبير عادي قولي لها حلو وذا غلطت علميها واتركيها لاتقولي لها اضحكي افرحي خليها برحتها وان شاء الله تتعدل - انا رأيي عكس اللي فوقي تماما
زي كذا بنت خالتي الصغيرة كانت منفسسة مرآآآ
وحتى لما اقول لها تجيب لي شي قريب منها تطالع فيني وتلف وجهها ع الجهه الثانية ولا كأنها تسمع !!
وتطنش ولا تسلم وم تحب تلعب مع البنات لازم البنات هم اللي يجونها !
وكانت صغيرة يمكن 3 ابتدائي وقتها
المهم مرت سنة وماشاء الله فجأة البنت تغيرت مرآآآآ
سارت تهرج معانا وتضحك وتسلم علي بالرغم من انها كانت م تعبرني ههههههه
السبب كانت تشوف نفسها ابشع وحدة من اخواتها بس امها سارت ترفع في معنوياتها
وتقول لها انتي جميلة وفستانك جميل ولما تكبرين حتسرين احلى واحلى لين نفسية البنت تغيرت
اشوف انو لازم تدي بنتك حنان زيادة
الحنية والرحمة والاخلاق الحلوة تغير النفوس
وتخليها تصفى وتكون طبيعية
ادعميها معنوياً لأن مشاعرها مرا مو طبيعية واضح عندها مشكلة وانتي لازم تحليها - والله كنك توصفين بنت خالتك بالضبط بنت
وبالنسبه للحنان والله مو مقصره
ومثل ماقالت الاختي مستيليه اني مهتمه بيها لانها اصلا في اول بتدائي واخواتها توهم اصغار وحده ثلاث سنوات والثانيه سنه ونص
بس شلون شتصرف مثلا يعني اذا بشتري لها شيء خاص لها بس خواتها مو محتاجين
يعني الاقلام الدفاتر كلهم صغار عليهم خواتها - سبحان الآه نفس بنتي حتى اهلي يسمونها ام نفيسة حتى ابوها ماتحب يمدحها ولا احد تعبت معها الله يصلحها انا اقول اذا جبت بنت ثانية يمكن تغير
مواضيع مشابهة
تابعي تجارب أخرى من هذا القسم.