▁▂▃▅▆▇★☀【التجمع الــ( 23) لأحلى حوامل التوائم】☀★▇▆▅▃▂▁

صباح الفل للجميييع😄


صغيرونه... الحمدلله انا صار لي 4سنوات متزوجه وماشيه بالخامسه وتزوجت وانا صغيره وانشغلت بدراستي بس كنت دوووم ادعي ربي يرزقني توأم وماكنت مهتمه مرة لأمر الحمل وقال زوجي خلاص بنبدا علاج علئ نهايه السنه الرابعه ،، لانه قال مانعرف متئ راح تنجح عمليتنا العلم عند الله


والحمدلله نجحت بفضل ربي ثم الدعاء والصدقه والله ان لها مفعول عجيب..والحمدلله ربي استجاب دعوتي اللي ادعيها من زمان 😊

زهور ياعمري بالعكس المفروض ماتتحطمين وتفكرين كثير لما بعد الولاده ،، خليك متفائله وان الحياه راح تكون حلوة معهم 😍 معليش شوفي مقاطع للاجانب اللي عندهم اطفال صغار ورى بعض واللي عتدهم توينز مرررره تتحمسين الام دايم مبتسمه والابو يساعدها وبيوتهم نظيفه والبزران نظاف 😂😂😂
احسهم مايعقدون الامور وماشيه حياتهم ..
حنا اصلا عندنا الوحدة من تجيب واحد وهنا انا ما اعمم لكن الاغلبيه من تجيب واحد تبدا الاخلاق التجاريه ودايم مقفله وانا تعبت والولد ذبحني


بقولك اكيد التوينز شي خاص وراح تتعبين فتره لكن باذن الله لا كبروا ترتاحين وتشوفينهم شي حلووو بالحياه... لكن لا تتحطمين من قبل لايجون!!

ربِّي آجعل لنآ
فِـي دروب الحَيآة خَيّر
وفِـي دروب التعب رآحة
وفِـي دروب الْحُزْن سعآدة🍂🍂

صباح التفائل للحلوين😂😂😂😂
بنات انا ماقلتلكم هالكلام ان تربيتهم صعبه اشوي عشان تنخرعون لا مو هذا الهدف
انا قصدي انكم لازم يكون عندكم احد يساعدكم فيهم
زهور حسستيني انك انخرعتي من جدك من التوم😂😂😂
والله والله انهم نعمه تحمدون الله عليها ليل ونهار ياجمالهم وياجمال تعبهم سبحان الله لهم لذة خاصه غير الواحد


انا جبت عيالي الاولين كانوا اول مابدوا يناغون فرحت اول مابدوا يطلعون اسنان جلست ارقص😂😂😂


سبحان الله بعكس عيالي التوم كل شي مع بعضهم يوم بدوا يناغون فرحتي غير مع بعضهم شي خيال ماشالله
يوم بدو يطلعون اسنانهم غير
يوم بدو يجلسون سبحان الله غير




لاتخافين راح تحبين تعبهم وغثاهم


انبسطي فيهم وفي حملهم لانك بنعمه يتمناها ملايين غيرك






وكل ماكبروا كبرت فرحتك فيهم يبدا سبحان الله يبين انهم توام لعبهم مع بعض غريب عكس يوم يلعبون مع اخوانهم


حتي يوم اجلسهم قبال بعض كنهم يقولون لبعضهم كلام كثيييير




الله يتمم لكم علي خير ويفرحكم فيهم

ماعليك شر ان شاء الله .. اما انت من حملت وانا منعدمه المناعه عندي اي احد يمرض فيه لاززم اشاركه ومن هالتجاوب وخوفي على اجنتي وحملي واحاول قد ما اقدر ابتعد عن الادويه صرت ابحث عن الاشياء الطبيعيه اللي في البيت تخفف عني التعب ...
علاج الكحه اللي جربته ونفع معي اشربي ملعقة زيت زيتون ترررريح مرررره اذا شربتها ارتاح حيل .. وعندك بعد ملعقة مع حليب دافي ..

والتهاب الحلق عذببني واللي يريحني بسرعه خذي لك كوب شاي دافي مع ملح وتغرغري فيه وبإذن الله تشفين بسرعه..
وربي يهون علي وعليكم الحمل ويفرحنا بشوفة اطفالنا بصحه وعافيه