اسمعوا ابكتب لكم ايش صار معي
بس لو سمحتوا لا تقولون عني جواره(يعني اخاف من ابسط الم)
البارح كنت معكم بالتجمع وقفلت منكم على اذان الفجر قمت ابجهز اشياء اولادي للمدرسه وابصلي
اول ماوقفت حسيت بزي الدفع وحسيت بزي نفضه الكهرباء بفخذي اليسار وهي مو اول مره تصير لي صارت لي الاسبوع اللى فات وهذي ثاني مره
وحسيت بحرقان ومعدتي صارت مره تقلب وانا كنت متعشيه على الساعه12 فقلت اكيد لاني اكلت متأخر وكنت قبلها بالسوق ومااكلت شي فاكيد لاني اكلت بوقت متأخر وعلى جوع
تعوذت من ابليس واتوضيت وانا اصلي احس الدفع صار مره يزيد وكل اشوي بطني يتحجر خلصت صلاة وصحيت زوجي وعلمته وقال مافيك الا العافيه تعوذي من ابليس ونامي
وحاولت انام بس مره الحركه كانت قويه وكانه بيطلع النونو خلاص دفع قوي مره قلت له ابروح معاك نودي العيال للمدرسه واروح اي مستوصف جمب البيت اتطمن على الرحم
وانا اصلا موعدي يوم الاثنين اللى هو بكرا قال لي لا خلاص نروح مره وحده لفقيه وفعلا وصلت هنا على الساعه 8 واشوي واخت رقم ودخلت على الدكتور وحكيته اللى حاسه فيه وقال
راح اكشف عليك من تحت ولما كشف طلع الرحم مفتوح واحد سانتي واخذ مسحه من الافرازات قال ابتأكد اذا كانت مويه الجنين او لا
وقال لي ان ولادتك راح تكون خلال ثلاث او اربع ايام ان شاء الله وحولني على الاشاعه علشان يتأكد من وزن البيبي ويتأكد من جرح العمليه اللى قبل
والحمد لله طلع الجرح مقفل وسميك على قولت دكتوره الاشاعه والوزن 3 كيلوا و200 غرام
دعواتكم لي صبايا بالسهاله وبالساعه المباركه وانا ذلحين وضعي تمام ومو حاسه باي شي علشان كذا خايفه ان الرحم يكون رجع تقفل
ايش تنصحوني فيه يااعز خوات
تباشير مواليد السعادة الخامس 🐣🎊(نوفمبر -ديسمبر)🐣🎉2015
متابعة النقاش، صفحة 108