¨°o.O (( رابطة المتحزمات)) O.o°"

فديييييييييتج انا ما أقطع عن خواتي أبدا :26:
وحتى لو صرت 60 ان شاء الله انتوا بيكون لكم الفضل بعد الله سبحان وتعالى وعمري ما بقطع عنكم
لكن انا ما قمت أفتح جهاز الكمبيوتر كثير مثل قبل

بالنسبة لنظامي بعد رمضان فعلا خططت له كويس جدا
اولا قبل رمضان بيومين بجدد أشتراكي 3 أشهر عشان أعطي لنفسي دافع

ثانيا بتبع نظام غذائي متكامل وأيضا خصصت لي مجموعة من الحلويات بقدمها جايزه لي في رمضان طبعا بيكونوا دايت لكن بيكون افطاري بسيط (جبن او قهوه أو بيض) عشان أقدر أتحرك في النادي
لكن سحوري بيكون الساعة 3 الفجر وبيكون مكون من الهرم الغذائي بأكمله لأني ببتدي أشد ما ترهل من الرجيم ولازم ألعب بأقصى طاقاتي

ثالثا التوقيت لأن التوقيت جدا قصير في رمضان فأنا بصلي التراويح وأطلع من البيت على النادي على طول وأرجع البيت الساعة 10 وأكمل تمريني بالسير او البايسكل في البيت

رابعا في اول يوم رمضان أبتدي أنفذ هذا الترتيب لأن لو أول يوم أكلت وثقلت ونمت مابقدر أني أنفذ أي شيئ قلته :09:


واتمنى أن الجدول الي حددته لنفسي يكون مافيه أي تغيير


بالنسبة لج حاولي تشتركين في النادي ضروري لأن هو الوحيد الي بيساعدك وانتي بتشوفي الفرق

والعيال اول ايام الدراسة ماعندهم كمية دراسة كبيره او امتحانات شهرية والدراسة خفيفه
خليهم شوي يعتمدو على انفسهم

ماشاءالله عليكم


بس انا غيركم كلكم

انا بحاول انزل وزني فتره قبل رمضان

اما رمضان انا اشيل من بالي الرجيم نهائيا لاني بصراحه ما اقدر

اتمنى بس وزني مايزيد في رمضان

بس وشو رجيم الهرم الغذائي ما اعرفه

أهلين بنات اشتقت لكم وااااااااااااايد. اعذروني بس كان عندي اجازه 3 ايام فقلت خلني استغلها و اريح عمري ترى الدوام مظايقني مررة و البنات عندي زينااااااات بس يشتكون بالزود و انا فيني الي كافيني. الحمد لله و الشكر صار وزني 114 بالضبط بس ما اقولكم في اجازتي ما خليت شي في نفسي ما اكلته و الغريييييييييييييب ان وزني نزل سبحان الله يوم كنت اسوي رياضة و ريجيم و اكل حبوب ما نزل و يوم ما خليت شي ما اكلته نزل. الظاهر ان المعده كانت زعلانه من الضيق و الاكل الي ما له طعم و فرحة يوم نزلت فيها ما لذ و طاب.
اليوم انا ما رح اكل غير حليب نص دسم و برتقاله و ساندويش جبنه طبعا اسمر و لوفات و رح امشي و اسوي رياضه لين انهد و انام من وقت علشان ما اكل في الليل ........ اادب عمري و اعوض الي فاتني.
الثلاثينيه : خذي بالميزان الي يعطيش اقل علشان تتشجعي. انتي سجلي الحين في الجيم بس قبل ما تدفعين قولي لهم انك رح توقفي في رمضان علشان ما يحسبونه عليكي. انا استصعب اروح الجيم و ما عندي عيال فشلون انتي و اعتقد ان في امتحانات التقويم او شي من هذا رح تكون في رمضان على اي حال انتي ادرى بروحش و ظروفك و الله يوفقك.

غنوجه : انا حيرانه لان الاخصائيه قالت لي مهب مهم ان تنزلي الوزن في رمضان المهم انك ما تزيدي حتى اذا بتاكلين عادي و قالت لي بعد ان الاحسن ما اضوق الا لبعد رمضان علشان ما اتعب. انا في بالي اضوق علشان ما اكل زياده في رمضان بس اخاف اقعد ارجع و تطلع روحي بالاكل و ما اعرف اصلي و اقوم الليل عدل غير هذا انا الحين عودت نفسي اني انزل 5 - 7 كيلو في الشهر و هذا شي يعطيني حافز اثابر فاخاف اكل عادي في رمضان و اسحبها لين 3 او 4 شهور قدام.

اناسيل : ماااااااااااااااااااااااااااااااااااااااااا شاااااااااااااااااااااااااااااااااااااااء الله. الله يعينك و يقويكي على هذا النظام متعب بالنسبه لي لاني تعودت على الكسل و الرقاد بس هذي انا احاول و عسى الله يوفقني و اسوي و لو ربع الي انتي تسوينه. انا اسمع ريجيم كيميائي كيييييييييييف؟؟؟

hi banat
شوفوا انا ثقافتي انجليزيه ههههههه

و الله صدقتي يالثلاثينيه شكلها رايقه رح تتوج قبلي اهي اهي ما عليه انا وراش وراش وين تروحين مني خخخخ ما شاء الله عليش يلا ثابري و الثمانينات قريبه ان شاء الله. النظام الهرمي حلو رح احاول اتبعه بس انا حاليا وقفت اكل اللحوم و الخبر و العيش. انا عايشه على السوائل و السلطات و البارحه انخبلت و سرت الحديقه امشي اول 10 دقائق عاااادي و بعدها يا ويلي الرطوبه انقضت علي و كتمت نفسي قلت يا بنت رجعي ابرك لك. حاولت ارجع بسرعه بس كانت اطول 10 دقائق في حياتي و الا اشوف الباب ابعد من قبل....... طار عندي ذوبان مفاجيء سبحان الله يوم ما اروح الحديقه اشوف الجو حلو و في نسايم هوا و يوم قررت اروح الا ابواب جهنم انفتحت. افففففف بحاول اليوم بعد و يا ساتر.

لا و الله يالرايقه الشحمات حابتني بالزود و ما يبون يخلوني لازقين بي بس انا عنوديه رح اخلص منهم اليوم بكرا و الا بعده.