هل تفضلين ان يكون عندك خادمة بالمنزل ؟؟

انا ودي أجرب وجود خادمة عندي عارفة من داخلي مابرتاح لاني اخااف على اطفالي منهم بس والله الشغل مايخلص تعب تعب الله يآجرنا واللي بالساعات الحين مايتحصلوا من الزحمممممة واسعارهم جداً مبالغ فيه استقدم لي ع وحدة ارخص منهم

الشغاله تريح وتفكك
بس تعيش معك لا تضاااايق مره
ودي بشغاله تغسل الملابس وتكويهن وتنظف البيت
وتذلف

لا الله لايحوجني لها
اول شي مافيه خصوصيه ابد فالبيت تحسين ف بيتك دخيل
ثانيا مااثق بنظافة الخدامات ابد وع اصلا اقرف من اي شي تمسكه ونظافتهم نظام من برا الله الله
ثالثا تتوهقين لو جيتي تطلعين لو خليتيها فالبيت تخافين تهرب ولو اخذتيها ماترتاحين بوجودها


رابعا الشغل زين والحركة زينه انا اشوف اللي الشغاله ماتفارق بيتها صحتها مو زينه مكسره وفيها امراض الدنيا لانها ماتتحرك .. امي بسم الله عليها ماكانها فالخمسينات صحتها ونفسيتها بنت الثلاثين ماشاء الله لانها ابد مااعتمدت عالخادمة بحياتها مره احتاجت شغاله وماقعدت ثلاث شهور وسفرتها من القرف اللي عشناه معاها


خامسا ارفض ان عيالي يصيرون تربية خدامة


الحمدلله الشغل مو متعبني لان امي حبيبتي عودتنا من صغرنا ع الترتيب والتنظيف صرت سريعه انجز الشغله بسرعه وانا مرتاحه نفسيا لافيه عيون تراقبني ولا فيه يد ترتب بيتي ع كيفها ومزاجها اللهم لك الحمد اهم شي الراحه النفسيه وبعدها كل شي يهون

انا اكره الشغالات لأني احب الخصوصية
بس مضطرة مثل الاغلبية اجيب وحدة بالساعات لان شغل البيت و مشاغل العيال و طلبات الرجال ما تخلص يبغون كل شي كامل مكمل و اذا نقص شي بتبدأ الانتقادات و كل هذا ع حساب صحة الحرمة اهتمامها بنفسها و كشختها

مو دايما ع حسب التعامل ..
من لما كنت ف بيت اهلي وللحين
كذا التعامل مع الشغالات
كانها وحدة من اهل البيت ..
تاكل نفس اكلنا ونفس الوقت
اول ما تجي نوديها السوق تأخذ الاغراض اللي تباهن ..
بعض الشغالات هواتفهن معهن
وبعضهن اسبوعيا مرة نخليها تتصل ..
اذا تمرض ما تشتغل طبعا ونعالجها

لكن بعضهن يقدرن ويستمرن باحترام اهل البيت

وبعضهن يبطرن ويتعيرن
لدرجة وحدة رفضت تشتغل وحبست نفسها ف غرفتها وما رضت تفتح فالاخير لما فتحت مسكت مكنسة تريد تضرب ماماتي..ومحد قال لها شي مجرد رجعوها المكتب وخلاص
مع اني لو كنت موحودة كنت بروحي بضربها ع حركتها 😤