مستحيه من خطيبي والسبب :(

تفكيرك مره سطحي
نظرتك وحكمك على الناس بناء على اللون والشكل

وشخصيتك مهزوزه
وثقتط بالنفس مهزوزة
ماتحبين نفسك


كل هذي مشاكل ظاهره فيك من طرحك فقط للمشكله اسعي الى علاجها عشان تقدرين تعيشين بسلام وسعادة
وحطي في بالك الخطوبه ماتمت الا بعد اختيار الاهل او الخاطب بناء على مواصفات الشكل الظاهر ومن ضمنها لون البشره الا اذا كنتي تدهنين جسمك وتصبغينه لون ابيض قبل تقابلين الناس فهذا شي ثاني !!
يعني اذا بتغيرين لونك حطي في بالك احتمال كبير جداً ان هذا الغريب اللي بتغيرين لونك عشانه احتمال يتركك لان الشكل اللي اختاره تغير
في رجال كثير يحبون اللون البرونزي او القمحي


واذا انتي عندك عقده ومو مرتاحه ليش قبلتي الخاطب ؟!!
ولا انتي من النوع اللي توافقين على اي واحد يطق بابكم ثم يجي الجد والتفكير بالواقع وتحسين نفسك مو مقتنعه لأي سبب كان سواء الشكل او الاخلاق او الشخصيه


كلمه اخيره :
اذا الحين من الخطوبه قررتي تغيرين لونك عشان ( رجال ) اجل اذا تزوجتي وش بتسوين بتذبحين نفسك ولا ترمين نفسك بالنار عشانه ؟!!
اهدا من كذا يابنت وشوي عقل لا تطيحين من عين اهلك وناسك

عادي حبيبتي ياما فيه بيض بس مو حلوين وياما فيه قمحيين ويهبلون .. ابرزي جمالك بالكشخه والاناقه والصبغه وبس بالعكس البياض احيان يبرز عيوب البشره .. وثانياً انتبهي انتبهي انتبهي تبينين نقطة ضعفك قدامك .. اذا جاب طاري اللون قولي اللكل خاق على لون بشرتي بالعكس علامه جمال وامدحي في عمرك 🤐😂بس انتبهي لاتسبين شكلك او لونك قدامه

يابنت الحلال لا تصيرين حساسه هو شايفك نظره شرعيه وعاجبك لون هذا زوجي ابيض مره وانا لوني حنطيه يوم قلت له ورا مااخذت لك بيضا قعد يضحك يقول مليناااا من هاللون يعني خلاص الرجال عاجبته وماخذك بلون بشرتك لو يبي بيضا ماجاااك

بالعكس حبيبتي،خليك واثقه بنفسك
انا صديقتي لونها قمحي غامق، وزوجها ابيض
ومع ذلك،طاير بها ويحب البشره السمراء
سبحان الله،الانسان دايم يحب الحاجات اللي مايملكها..وهذا ملاحظ بأكثر الناس وماتدرين اذا خطيبك كذا
وبخصوص ابر التبييض، ترى بياضها صااااارخ مو حلو
والشي الثاني تراها تقتل الخلايا الصبغيه وانا ممرضه و أعرف


ادعي ان ربك يجملك بعيونه، صدقيني بتسمعين من المديح من اليوم لبكرا، بس الحي بالدعاء...


وادعي لي...🌹

ياما بنات سمراوات وقمحيات ومليحه وجذابه