شاركي في النقاش

سجلي الدخول لإضافة تعليق.

التعليقات

92
  1. @fyroroshyh

    صاحبة الموضوع
    هل جملتي (عشان فلانه بتغير سيارتك)
    تخليه يرفع صوته علي ويعصب
    ويقول اني غبيه وخبيثه ونكديه
    وكلام اقوى صعب اقوله هنا
    هو باااااالغ مره بعصبيته
    افهموووووني
    واحد يشرشح زوجته عشان قريبته
    اللي زوجته اصلا ماغلطت فيها
    وماتبوني ازعل
    فوق كذا يكمل هو بالزعل
    وينام بالصاله بدل الغرفه
    ويقومني على نكد وصراخ
  2. @mrsabk

    فيروروشيه
    هل جملتي (عشان فلانه بتغير سيارتك) تخليه يرفع صوته علي ويعصب ويقول اني غبيه وخبيثه ونكديه وكلام اقوى صعب اقوله هنا هو باااااالغ مره بعصبيته افهموووووني واحد يشرشح زوجته عشان قريبته اللي زوجته اصلا ماغلطت فيها وماتبوني ازعل فوق كذا يكمل هو …
    بصراحة أيوا ..

    أنا لو كنت مكان زوجك بزعل .. لأن جملتك فيها شك وظن سيء .. والرجال يا حبيبتي ياخذون بالاسوء .. ويتعاملون انهم متهمين وانتي رحتي اعطيتيه جملة اتهامية .. فهو زعل لأن حس ان جملتك مبطنة بما في قلبك من غيرة وظن ..

    ما عليش يا اختي ترا موب شرط اطبطب عليكي دايما .. ممكن أكون حادة شوي لكن والله لمصلحتك ..
    أنا شو بستفيد من التعليق على مشكلتك ؟؟ وشو اللي بستفيده لو انتي زعلتي من ردودي .. يمكن ازيد غبنك وتدعين علي وتتحسبين في ظهر الغيب ..

    لكن ورب الكون يشهد أنا أحط نفسي مكانك .. أنا في اول أيام زواجي صدمني القرب النفسي اللي بين زوجي وبنت أخته .. لكن كنت حذرة وظليت ساكتة وأتابع بصمت وبدون تعليق ..

    فهمت مع الوقت انها مدللة عنده بسبب ظروف حياتها .. وانها هي تعتبره مثل الاب لأنه من رباها ..

    هي تزوجت قبلي ومع ذلك كانت متعلقة بزوجي .. مع العيال والمسؤوليات خف التعلق وزادت بينهم الاختلافات لأن وجهات النظر اختلفت بسبب امور اسرية في عايلتهم

    شوي شوي صارت بالنسبة له انسانة عادية .. وهي تتصل اتصالات عادية .. وعلى عكس ما تتوقعين توطت علاقتها فيني أنا وصار تواصلها معاي اكثر بسبب قرب اعمار عيالها من عيالي وصرنا نتلاقى علشان الاطفال يلعبون مع بعض


    لو انتي شفتي العلاقة القوية بين زوجي وبنت اخته يمكن كنتي بتنهارين نفسيا .. تعرفين انه ما كان يهديني شيء الا مهديها مثله ؟؟.
    وان فيه
    أشياء وأماكن كان يمنعني منها بس كان يسمح لها هي ويوديها بنفسه

    مثلا أنا مانعني يكون عندي جوالين .. وهي بنفسه جايب لها الجوال الثاني مع رقمه ..


    مع ذلك والله يشهد ما تكلمت ولا عاتبت ولا زعلت .. اليوم غير عن الامس وفي النهاية الايام تغير القلوب .. أهم ما عليكي قلب زوجك لا يتغير عليكي .. ولا يبطن في قلبه انك اتهمتيه ظلم

    لا تتحاملين على البنت لأن زوجك يحبها .. بكره بتتزوج وبتتغير حياتها وبيتغير اهتمام زوجك بها ..

    ابذلي من الجهد ما يجعك عنده أغلى من أي حد .. ابحثي عن راحته وجاريه فيما يحب ولا تتهمينه لمجرد احساس الغيرة
  3. @bayaa_almsk

    لالالا مانتي صاحيه الله يصلحك ويهديك
    تغارين من وحده من محارمه ؟!
    تراها زي بنته بضبط
    ليش تغارين مانه راح يتزوجها او يقيم معها علاقه الله يهديك وش عالتفكير
    هو بعذره صرخ عليك ورفع صوته عليك لانه فهمك وتقزز من تفكيرك عليه مع بنت اخته
    ياختي لو كبرت بنته وتعلق فيها اشد من بنت اخته وكلكتها مسموعه وانتي لا راح تسوين بضبط كذا


    اختي هي من محارمه محاااااارمه
    المفروض ماتغارين من محارمه
    خالي انا يفضلني على خواتي ويقول هذي غييييير عندي
    الخال اذا حب واخد من عيال اخوانه او خواتك مو معناته توصلك للغيرك معناته يحبها حب بنته اخته
    يحب البنت من امها
    والخوال اذا عز وحب بنت من بنات اخته خلاص ياخذ برايها هذا الطبيعي


    ولو رحتي لاهلك ماراح يرجعك زوجك وانا واااااثقه ماراح ترجعين وراح تكون على راسك
    واذا عرفوا اهلك راح برضو ترجع على راسك


    الله يهديك اختي البنت غافله عنكم ولا تدري عنكم بشي
    تذكرت موضوع وحده هنا
    تشتكي من سالفه زي كذا خالها وزوجته
    انه كانت علاقتها مع خالها وش زينها مابينهم شي فجئه زوجته تغيرت عليها وحظرتها وخالها حظرها
    تقول تغيروا علي وانا ماعمري قلت شي
    ارسل رسايل للكل عاديه
    بس زوجته الغيور تفكيرها غلط
    انتبهي ياختي من الافكار اللي يوسوسلك فبها الشيطان
    لا يبتليك الله بوحده مو من محارمه يتعلق فيها ويتزوجها
    هذي من محارمه وبنت اخته يعني الخال والد
  4. @fyroroshyh

    صاحبة الموضوع
    بنات مقهووووره حتى بنتي مالي خلقها
    وهو بدوامه ما سأل فيني
    وبنت اخته بالجامعه مادرت عني
    وانا اللي اكلت تبن بين 4 جدران
    مقهوره من هالرجال
    فجأه حسسني اني رخيصه عنده
    فجأه صرت ما اسوى بصله عنده
    ومالي اي خاطر
    وتجي وحده تقول ايش عملتي حتى يفضلك
    مضحيه بوقتي وحياتي عشانه هو وعياله وبيته
    وقايمه فيه وصايره له زوجه وصديقه
    ومتحمله منه الزين والشين
    وذيك يشوفها ساعتين بالاسبوع
    وتجي وحده تقول له حق يفضلها عليك!!
    عيب والله عيب
    احس بعض العضوات يحبون يقهرون وبس
  5. @loolo_loolo

    زوجك يتبع اسلوب
    الهجوووم افضل وسيله للدفاع
    و انتي اوراق حياتك كلها مخررربطه
    و انتي واياه قلوبكم بثلج ماحاولتو تصلحو حياتكم
    كل فتره روحي بيت اهلك وتروحين
    ارجعي بيتك وترجعين
    حملتي بوقت غلط كان المفروض ترتبي حياتك وتنظميها
    تعالجي مشاكلك و توفري جهدك لهالشي


    انتو حياتكم نكد بنكد
    و عايشين بكل انانيه
    مو منتبهين انو بينكم طفله تهتم وتتأثر وتحس
    محتاجه تتربى بجو اسري دافي
    محتاجه للحب وللالفه بينكم
    والحين طفل جديد بيعيش نفس الحياه
    الله يعين اطفالكم
    والا انتم كل واحد عقله براسه
    زوجك بزر (على بلاطه)
    من زمااااان و انا ملاحظه من مشاكلكم ان لسا مانضج عقله مدري كيف
    غير مسؤول ويحسب الحياه الزوجيه لعبه
    روحي بيت اهلك تعالي من بيت اهلك
    سياستكم بهالحياه غلط بغلط
    الله يكون بعونكم ويصلح حالكم

تابعي تجارب أخرى من هذا القسم.