الحركات ذي عندكم والا بس عندنا!؟

لاتظلمونهم كلهم ,انا بنسبه لى كنت ابتسم واسلم في زواج اخوى وبعده بساعتين صرت ماابتسم لانه الفرقه تأخرت والناس تسئل وينهم والعروس اتفقنا معه انه مايدخلون رجال ووافقت وفى الزواج انكبتناواصرت انه اخوانه يدخلون والماء من الصاله قطع وصرنا نكلم الرجال يشفون حل يعنى غصب الواحد يتضايق ولا له خلق يبتسم. واعرف ناس طول الزواج مكشرين ولا لهم خلق واستنكرنا عليهم شوفة النفس سبحان الله في اليوم الثاني قالت لنا عمتهم انه الاخوان المعاريس قبل مايزفونهم تهاوشوا وخواتهم وامهم فاككوهم لانه في واحد منهم مارضاه يعطى الطقاقه باقي الفلوس على اتفاقهم

يب عندنا وتصير باحسن العوايل انا اهل زوجي بالاخص اخته تشمق لي بكل مناسبه ونا مطنشه فاقعه مرارتها وناويه بزواج اخوهم اسبقها واشمق لها ههههههههههههه

ترى هالاسلوب يقلل من طلة الوحده وينقص جمالها وجاذبيتها والله اعرف وحده ماشالله تبارك الله ماحدن يشوفها بزواج او مكان الا وده يتعرف عليها وياخذ رقمها ويسالون عنها بالذاات مع انها تكون وسط بنات عمها وخواتها وكلهم شياكه وكشخه بس هي فوق كشختها مبتسمه وحبوبه فيشوفونها احلى وتبرز اكثر ترى الي اتكبر ومبوزه ويعنني برستيج وربي شكلها يخيس البرستيج والاتيكيت بالقعده والمشيه بطريقة الاكل مو بالتكشر والتبوز بوجيه خلق الله

صادقه والله

جبتيها على الجرح قبل مده عزمتني وحده على زواج بنت اخوها طبعا هذ اعرفها لي سنتين لكن مو ذيك العلاقه القويه بس نكلم بعض وسوالف ومزح الزبده لزمت علي الا تجين ولا بزعل وتكفين وانا اساسا ماحب العروس قلت يالله بروح عشانها وكل يوم تتصل هاه بتجين اذا مافيه احد يجيبك اانا بجي اخذك قلت والله دامها قدرتني تستاهل وازعجت خواتي 2 ورحنا الزواج طبعا هذي اللي عزمتني تخيلوو قبل الزواج وهي تكلمني شبه يوميا وتحمسني على العرس واخرها قبل العرس بيوم وهم يسوون الحنا كلمتني وفرحانه اني بجي المهم رحت اناواخواتي وجلسنا عند المدخل واطالعهاا تستقبل المعازيم بالفستان المنفوش والتتسريحه الممسوسه والمكياج اللي واصل للاذاني على قولتك وجيت انا وخواتي نسلم تفاجاة توقعتها بترحب وتهلي ابد تسلم وهي رافعه الخشم وتعلك علك وعذرتها قلت يمكن ماعرفتني مع المكياج والكشخه واذكرها بنفسي قلت انا فلانه وهذول خواتي قالت هلا هلا ولفت وجهها انا تفشلت حتى خواتي ضحكو قالو ماعطتك وجه برضو قلت يمكن منشغله بالعرس ومعذوره واطالعها من بعيد الا جالسه مع شلة صديقاتها وضحك ورقص وترحب فهذي وتهلي بذيك قمت رحت عندها على اساس بجلس معها شوي وابين لها انو جيت تقديرا لها لان ماراح اطول الزبده جيتها وجلست على الكرسي فنفس طاولتهم وهي ماتعطيني وجه ابد تسولف مع اللي معها شوي مسكت ثنتين وقالت يالله نرقص وراحو يرقصون ولما خلصو جلست هي وياهم فطاوله ثانيه وانا هنا خلاص صبيت عرق من الاحراج قلت لخواتي يالله بس ندق على اخوي ونطلع بكرامتنا ههههههههههههههه وبعد الزواج بيومين جلست تراسلني عالواتس اهلين كيفك وماعطيتها وجه ولا رديت لين يومكم ذا ماحب حركات البزران ذي والله انا يوم زواج اختي كل همي بس افز للناس اللي اعرفهم وارحب باللي ماشفتهم من زمان واتنقل من طاوله لطاوله اسولف مع هذي ومع ذيك