🌸التجمع الثاني للمتفائلات بالحمل لـ شهر 1 هــ🌸

الله يبارك فيكم كلكم وعقبال باقي البنات منديل ماتشوفين شر وان شاءالله نسمع منك الاخبار الحلو

الله يبارك فيكم حبيباتي 😘😍وعقبالكم تفرحونا قريب
مناديل حاسه انك حامل بذات انك قلتي اول مرا تتاخر

بكتبلكم قصتي انا زي ماتعرفون اخذت كلوميد ثالث يوم بدوره لمدة خمس ايام واليوم 14 من الدوره شافت البويضه كويسه وعطتني ابرة تفجيرية قوتها 10000 ضربتها الاربعاء وقالت الجماع يوم الخميس المغرب قبل 36 ساعه بس ماصار المغرب سار الظهر يعني بعد الابرة ب27 ساعه وبعدها سار 52 ساعه من الابره يعني فجر الجمعه ومعد سار شي اي وسار توت قبل الابره بيوم يعني يوم الثلاثاء الموهم حسيت بالم الابره مغص شديد والم برجولي وخاصة الفخذ جلس يومين او ثلاث وخف شوي بس ماراح وطول فترة الانتظار انا تعبانه خاصه ثامن يوم حسيت بوهن وتعب عام احس مقدر ارفع راسي من قوة التعب وبعدها بيومين الم برجولي ومغص وفخذي بعد كان يالمني مره صحيت من النوم من قوة الالم ويوم 11 من الابرة سويت تحليل منزلي طلع خط خفيف سويته اول ماصحيت وشكيت انه من الابرة وامس سويت التحليل الرقمي والحمدالله وعقبالكم يارب

بسم الله ابداء اكتب لكم الاسباب لعل وحده فيكم تستفيد وتدعيلي 😘بثبات حملي وتمامه


اولاً :صلاه الوتر سبحان الله فعلاً الحمل الي اسقطته والحمل ذا في نفس الشهر اذا انتظمت على صلاه الوتر ربي يرزقني بالحمل وانا اصليها بعد العشاء غالبا ً لاني اتكاسل استغفرالله اخر الليل واصلي ركعه وحده وفي السجود الاول ادعي 20مره ربي لاتذرني فردا وانت خير الوارثين وفي السجده الثانيه زيها واحاول ارتلها وابكي واستشعر ان حاجتي ذي ماراح تنقضي الا اذا اذن الله لها ان تنقضا🌸
ثانياً :كل بعد صلاه استغفر ميه مره يصير اخر النهار تحسب 500مره حتى لو احيان الله يغفرلي تجمعت الصلوات استغفر بعد كل صلاه وصيغت الاستغفار استغفرالله واتوب اليه 🌹
ثالثاً :الجلوكوفاج عيار 500ملم اول اسبوع مرتين باليوم والاسبوع الثاني ثلاث مرات باليوم لازم نبداه بالتدريج والنوع الي اخذته اسمه دايلون لون العلبه بيضاء وعليها دوائر زرقاء
رابعاً : كثررررره المويه والمشي ورياضه البطن .💪🏻
خامساً: انوقع ذي سبب حملي بعد اذن الله طبعاً الحجاااااااامه سويتها قبل الدوره بيوم والله يكرمكم الدوره يوم جااات غزيييييره وسوداء اتوقع التكيس نزل
سادساً :نص كيلو عسل وملعقه حبه البركه وملعقه سمسم نيء وعلبه غذاء ملكات النحل الي زي الشحم تخلطيها وتاخذينها من اول يوم الدوره الى اليوم 15صبح ومساء .
سابعاً :البردقووووش اخذته من رابع او خامس يوم الدوره الى التبويض بس صراحه يوم ويوم ما نتطمت مرا عليه
ثامناً:اخذت خلطه من المنتدى عالم حواء الرائع وحده من الاخوات كاتبه انها خلطه للي تبي تحمل بتوائم والمفروض اخذها الثلاث الايام الاولى من الدوره بس انا اخذتها اليوم الاول فقط لان خفت فيها حلبه خفت الحلبه ترفع هرمون الحليب لان عندي هرمون الحليب والخلطه 3زهرات كف مريم +ربع كاسه حلبه +ربع كاسه نانخه تطبخ في 6كاسات مويه لين يبقى نص الكميه يعني 3كاسات وتؤخذ كاسه كل يوم مناول يوم بالدوره
تاسعاً :القسط الهندي برضووووا ذا السر بعد الحجااامه بعد الطهر مباشره تاخذين ملعقه صغيره في نص فنجان شاي مويه صباحا ومساء طبعاً ناخذه انا وزوجي سوا 💞
عاشراً:حمض الفوليك انا وزوجي سوا💞
وزوجي ياخذ حبوب اسمها ويل مان فيهاااا كل الفيتامينات
اتمنى تدعولي بثبات حملي وتمامه ❤❤❤❤❤❤

صح افتكرت حاجه يوم تابعت التبويض قالتلي الدكتوره في بويضتين وتكيس خفيف
وكنت كل وتر اقول (ربي استودعتك بويضاتك فااختر لها النطاف الصالحه من زوجي وردها رداً جميلاً عند ولادتي بعد تسعه اشهر يامن لاتضيع ودائعه)وتقوليها وانتي واثقه ان ربي راح يستجيب لكي