بكتب لكم وش صار معي
الاسبوع اللي فات راجعت وكشفت علي زي ماقلت لكم قالت مفتوح 2 سم بس مو حقت ولاده هذي حقت الولادات اللي قبل والبيبي راسه مو في الحوض
بس اذا تبغين تولدين بسهاله اشربي زيت الخروع قلت لها كييف يادكتوره اخاف يتبرز الجنين في بطني
قالت لاا تكثرين
خذي ملعقة في اليوم ولا تاخذينه وتنامين بيجيب لك اسهال والهدف من شرب الخروع مو اسهال
الخروع فيه ماده تلين عنق الرحم وتخلي راس البيبي ينزل تحت ويفتح الرحم شوي شوي
قلت توكلت على الله وطلعت منها على الصيدليه وشريت زيت خروع
ونفس كلامها من الاسبوع اللي فات الى امس
ملعقة في اليوم اخلطها مع عصير فراوله عشانه ثقيل او برتقال عشان ما احس بطعم الزفره
ولي كم يوم احس الالم صار جديد طلق محتمل وتحجر مع الم تحت ماقدر حسيته قبل اخذ الخروع
لما جيت اليوم لموعدي كشفت علي قالت 3 سم يلا ولاده
طلبت منها ابرة الظهر قالت ابششششري ولا يهمك
قلت ابغى ولاده بدوووون الم قالت ولااا يهمك
وطلعت الكشك على الساعه 12 الظهر صليت وكان زحححمه مره مالقيت غرفة كشف وجلست انتظار تقريبا ساعتين
على الساعه 2 دخلت غرفة الكشف قلت لهم هياا ابرة الظهر وين
قالوا لاا هذي نركبها في غرفة الولاده اصبري قلت احس الالم بدا يزيد وكشفت لقيت الرحم 5 سم 😭😭
قلت هيا قبل ينفتح اكثر
وكلم ا اخصائية التخدير اسمها نهى قالت في غرفة الولاده مو هنا نركبها قلت امري لله
انتظرت الى اذان العصر فضيت غرفة ولاده
قلت هيااا ابرة الظهر كشفوا لقوه 7 سم 😭😭😭😭😭😭قالوا ما ينفع الحين واصلا الدكتوره انتهى داومها وراحت
قلت راااحت روحكم وش اسوي بعمري انا
جت القابله وفكت المويه وراحت الحمد لله ماعطوني طلق صناعي
وبدأ الجد جننتهم بهذلتهم كل ما جا الطلق وتبغى تكشف القابله قلت لها انقلعيييي جيبي لي مخدر واكشفي
قالت مافي مخدر الا لما يشوفون راس البيبي
وش يصبرني على ذا الالم لين يشوفونه وكل ما قربت مني قلت لها وخري لا تقربيني اخر شي طنقرت قلت وديني عمليه خلاص ما اقدر اتحمل
على المغرب بديت احس نونتي تدف نفسها 😭😭😭😭😭😭صرت ادفعها شوي شوي والالم يكون اهون
ومع كل دفعه احس اشيااا تطلع مني مدري هي من ورا والا من قدام
طبعا زوجي معي قلت ناديهم خلاص بتطلع النونو
ناداهم وجت الدكتوره قلت شوووفي راسها هيا وخروا عني عطوني مخدر والا انقلعوا عني كلكم خلونا نموت احسن 💔💔💔💔
والحمد لله جا دكتور التخدير وحط لي مخدر في كفي واحس دفيت شوي ودخت وصرت اشوف كل شي زي الحلم
وطلعت نونتي الحمد لله بالسلامه
حطوها على صدري وانا دااايخه وغبت عن الوعي اسمع اصوات بس ما اشوف شي تمام
لين اول ارسلت لكم بديت افوق شوي شوي
وجلست في الافاقه لين 12 ونص لقوا لي غرفة فاضيه 💔💔💔💔
اليوم كلهم يقولون زحمة مجنووونه ماقد صارت على حظي
بس الحمد لله خاارجني وريحني من الكرشه
والحين الطلق شغال معي 😭يارب هون عليناا وارزق الباقيات ساعة سهله وسخر لهم خلقه اجمعين
القابله فلبينيه تحزن تترجاني طول وقت الولاده تكسف علي ما بقيت لعن ولا سب الا قلته لها 😂😭
ولما ولدت الا هي تبتسم لي وتمسك راسي وتتحمد لي بالسلامه لين قبل شوي يازينها تحزن انبني ضميري عليها 💔
وتوته توته انتهت الحدوته
الليله كلكم احلام بالولاده 😂😂
تباشير السعادة السابع 🎈🎉 ( نوفمبر - ديسمبر ) 2015🐣🎉
متابعة النقاش، صفحة 5