لعن زوجي

مرحبا بنات ،
مشكلتي ان زوجي مطفر *مفلس* .. وانا جاتني فلوس من ابوه لبنتي ..


المهم دق علي زوجي قالي تبون حفايظ ؟ * انا اصلا صارلي كم يوم اقوله جيب حفايظ وحليب * قلت ايه قال خلاص بجي اخذ منك فلوس قلت زين وعطيته ميه .. طبعا لا اخفيكم الاسلوب الي كان يتكلم فيه وقمة الرومانسيه وهو يطلب ،
انا مقدره وضعه عشان كذا ماترددت اعطيه خصوصصا انه مايقصر اذا كان معاه شي ..


طلع من البيت مع صديقه ، دقيت عليه قلتله بدزلك مسج الحين بالطلبات*كلها ضروريه* قال لا تدزين شي قلت خلاص جيب كذا وكذا وكذا ... قال ماراح اجيب شي بعدين بعدين قلت وش يعني ؟ الحين ماراح تجيب اغراض بناتك قال لا .. قلت باي وسكرت الجوال على طول ..


جاني بالواتسب يغغغغغلي ويهاوش انو ليش اسكره بوجهه على قولته ، بعد ما عصب
قال ؛ ولعنه
قلت : ولعنه؟؟؟طيب
قال ؛ ولعنتين بعد
فار دمي وقتها خيييير سلامات ..
قلت ؛ اذا بخاطرك شي فكر قبل لا تكتبه ، مو عذر انك معصب تقول اي كلام وعاادي .. ع العموم حصل خير وحقك علي ..
قال ؛ ليه انتي تبيني اشيل بخاطري عليك؟
الا راح اقول الي بخاطري .. استغفرالله


مارديت عليه ولا لي نفس اكلمه اصلا
صح ان ظروفه هالفتره صعبه حيل بس مو لهالدرجه
صارلنا يومين محد يكلم الثاني .. هو متعود علي ان ماننام وبينا شي ، اما الحين على قولته بلعنه بعد
اذا سالني جاوبت ع قد سؤاله مع ابتسامه باهته ..
ماني ميته على رجاه .. محسسني اني قاعده اطلب شغلات لي .. كلها لبناته وواجب عليه انه يجيبها
بس مقدره ظروفه هالفتره .. وقاعده اساعده بالناحية المادية ، واخر شي يجي يهاوش ويلعن ..


بنظركم مين الغلطان ؟

18 تعليق 3,890 مشاهدة

شاركي في النقاش

سجلي الدخول لإضافة تعليق.

التعليقات

18
  1. @oatsab

    اكيد هو الغلطان عندك شك بكذا وش طلبتي كلها اشياء ضروريه مايحتاج الخبال والزعل ذا كله
  2. @loolo_loolo

    هو الغلطان طبعا
    لا عاد تعطيه ولا ريال
    رجال ويعرف يدبر نفسه
    خليه يحس بالمسئوليه ويعرف يضبط اعصابه


    هذول بناته و ملزوم فيهم
    مااطول يده واحلى لسانه عشان ياخذ الفلوس
    وتقصر تصير نص شبر ويطول لسانه
    عشان مايدفعها لبناته


    اساسا واضح ماخذها عشان يطلع ينبسط
    كملي تطنيش
    واطلبي الاغراض بكل جديه
    واذا تواقح قولي بكلم ابوك يجيبهم !
    ايش يعني يموتون البنات جوع؟
    اباء اخر زمن !
  3. @maazof_aml_2

    صاحبة الموضوع
    نسيت اقولكم انو من ثاني يوم الصبح خذيت لي تاكسي اتعامل معاه ، ورحت شريت اغراض بناتي*كانو محتاجينها حيل*
  4. هوو غلطان بس والله كل الرجال تحز بخاطرهم ويتنكدون 180 درجه لما يوصلون لطفره حبيبتي والله شعوره وردت فعله طبيعيه احيانا كذا زوجي يقلب قلبه يقول لاا تكلميني وانا بهالحاله طبعا هالفتره نكون مطفرين بمعنى الكلمه ... حتى الخبز ناخذه من اهله
    وطبيعي ردة فعله ، انتي طنشيه بهالوقت ولا تردي لان لازم يكون في توازن
    اذا زوجك معصب + انتي تكوني هاديه ولو ايش قال = بيرتاح باله ويجي يراضيك
    بس هو معصب + انتي معصبه = اكيد بيكون هذي النتيجه




    وبس حبيبتي حبيت اوضحلك دامك زوجه اتعلمي كيف تكوني صبوره
  5. @snar_3

    نفقة الاب لابناه لا تعتبر معاوضة
    اي اذا لم يجد ماينفقه عليهم او مر بظروف قاهرة كدين او نحوه تسقط النفقة عليه ويصبح غير ملزم بالنفقة
    بعكس نفقة الزوجة تعتبر معاوضة اذا لم ينفق عليها تصبح دين ووجب سداده لها

تابعي تجارب أخرى من هذا القسم.