قررت اسوي الخياطه بس بسالكم قبل

السلام
قررت اسوي الخياطه التجميليه دعوووواتكم لي


لاكن قبل اسويها عندي اسئله مهمه وهي بتخليني اتراجع اسويها
انا طلعت من النفاس خلاص وببيت زوجي وبعيده عن اهلي الحين اذا سويتها كم مدة الام الخياطه الي تقولون فضيييييع ومايتحمل يعني 10ايام مثلا ماعليه بصبر
طيب كثرة الحركه راح تفكك خياطتي ؟؟
لان عندي بنت عمرها سنتين ونص والمولود
كيف بتعامل معهم وكيف اقوم ببيتي من طبخ وتنظيف
وكيف اغيب عن الناس لفتره طويله وماازورهم اهل زوجي او بيت جدي والله بيستغربون
تكفون الي سوتها تجي تعطيني تجربتها بالتفصيل الممل


ودعووووواتكم لي

36 تعليق 5,715 مشاهدة

شاركي في النقاش

سجلي الدخول لإضافة تعليق.

التعليقات

36
  1. @dhmshh

    مدري بس احس تو الناس عليج ماتنعمل الابعد خامس طفل وصعبه اذا ماعندج احد يهتم بالاطفال حيل صعبه والله يوفقك
  2. توك ماجبتي الا طفلين بدري تسوين عملية تجميل!!!
    انا جمعت لك معلومات مع ان الافضل تسالين الطبيبه اللي بتسوي لك العمليه
    العمليه تستغرق من نص ساعه الى ساعه
    بنج كامل وبعض الاطباء يستخدم موضعي
    الاقامه في المستشفى 24 ساعه
    الالم من اسبوع الى 10 ايام وتحتاج المريضه لمسكنات ومضادات حيويه
    ممنوع الجماع لمده 6 اسابيع
    اذا صار حمل لازم عمليه قيصريه للحفاظ على نتائج العمليه
    تجنب الامساك والضغط لاسفل عند الاخراج
    عدم حمل اشياء ثقيله
    مدة شفاء الجرح بالكامل 3 اشهر تقريبا
    انا اقول بدري توك على ذا الاشياء مع اني ضد عملية التضييق ليش المرأه تخاطر بحياتها وتصبر على الالم وتكلف نفسها مالاتطيق عشان الزوج مع ان الزوج مستحيل يضحي بأي شي عشان زوجته ياترى هو بيسوي عمليه ويتحمل الالم والخطر على شان تستمتعين ؟؟؟؟
    لو قلتي له ياخذ ابره منع حمل رفض رفضا باتا ولايمكن عشان صحته ونفسه
    والحريم مسكينات كل وحده تضحي بشى مش مطلوب منها
    كل نساء العالم يتغيرن بعد الولاده شي معروف وحتى الطب الشرعي يميز بين اللي انجبت واللي ماانجبت وهاذي سنة الحياه وكل الناس عاشو ومرتاحين ولاكان الجنس شغلهم الشاغل
    فانتي استخيري وفكري في نفسك وبس ماعليك من احد
    المطلوب منك اسهل بكثير تتزينين له وتعطينه حقه الشرعي متى ماطلب وكلمه حلوه وعشره بالمعروف ليش اخاطر بنفسي واعرضها للخطر والالم وبالنسبه للمنطقه تغذيه سليمه ورياضه كفايه العمليه هاذي للي صار عندها تمزق عضلات الرحم اثناء الولاده ولاترجع الا بعمليه اما اللي ولادتها طبيعيه ولاصار تمزق مافيه داعي
    الله يوفقك ويسخر لك ويجملك في عين زوجك
    🌷🌷🌷🌷
  3. @alamany99

    يا اختي نصيحه لوجه الله لا تسوينها ابد بقولك سالفة وحده من جماعتنا عذبت نفسها مررررة علشان رجال مادرى عنها السالفه ومافيها انها حملت بحملها الاول وجابت طبيعي قام قال لها زوجها انا ماني متخيل انه راس طفل وش كبره يطلع من ذي المنطقه وبترجع طبيعي المهم هي اخذت في نفسها وحملت بالحمل الثاني وسوت عمليه تجميليه في الالماني بجده والله تعذبت بغت تموت ولما شفيت من العمليه وصار الوضع طبيعي برضه نفس الشيء ونفس الكلام ما اتخيل طفل يطلع من ذي المنطقه ويصير الوضع تمام حتى ولو سويتي عمليه
    المهم اتضح انه الرجال هالشيء عندهم نفسي
    يا بنات انا اصح كل وحده انها ماتعرض نفسها للالم والتعب علشان رجال
    والله والله انه ايام امهاتنا وجداتنا ماسووا هالعمليات ولا شيء وازواجهم كانوا مايشوفون غيرهم ولا تزوجوا عليهم بس للاسف مع هالتقنيات اللي خلت الرجال يخونون ويحطون الف عيب وعيب في الزوجه حتى والله بعض الزوجات يعانون من ازواجهم وهم لسى ماخلفوا
    الله خلق المراة وجعل الانجاب بهذه الطريقه فليش الزوجه تعرض نفسها للخطر
  4. @rym_aghl_mn_aamry

    هلا وغلا انا لي 15 يوم من سويتها وببنج موضعي وبصراحه ماتحسي بالم وقت الخياطه الا شوي وتقوليلها مثلا زودي البنج وتزودلك ووقت العمليه ساعه تقريبا لازم تاكلي قبلها وتكوني مرتاحه بعد العمليه مابتحسي بوجع الا اليوم الثاني بس لازم تاخذي مسكن كل اربع ساعات ولابتحسي بشي نهاىى ان شالله يبغالك راحه مثلا يكون عندك شغاله تساعدك بشغل الببت لازم حتى لوتجيبيتها مده 15 يوم بعد اسبوع ترجعي طبيعي ميه بالميه كنت اطبخ بس الشغاله تنظف وترتب لازم تمشين بشويش كاننك عروسه تنزفين انا بعد اربع ايام خرجت من البيت وقبلها كنت اخرج للمستشفى 3 ايام عشان تاخذي ابره مضاد ومسكن الدكتوره بتكتبها لكي وبس بصراحه تحسي امورك تمام وكانك ماتزوجتي ماشالله تبارك الله والله انصحك تسوينها وبشده بدل الاهمال بالنفس انا سويتها بعد اثنين بعد ماجبت بنتي بااربع سنين الحين اللي سويتها والحمدلله على كل شي واي استفسار انا جاهزه

تابعي تجارب أخرى من هذا القسم.