شاركي في النقاش

سجلي الدخول لإضافة تعليق.

التعليقات

55
  1. هـلا فيكم

    حياتي ،، انا ركبت التقويم في 3 ثانوي .. يعني كنت أنواع الصراع - الله يحفظني -

    وركبته في رمضاااان .. تعالي شوفي حالتي

    اول الايام من جد ،، ما تعرفين تآكلين ولا شي ،، حتى التمرة كنت مااقدر اعضها

    ولا اقدر اتكلم واحس شي عجيب ومؤلم في نفس الوقت ..

    بس مع الايام بتتعودين عليه وماراح تحسين فيه .. إلا وقت الشد

    مع ان كل اهلي كانوا متوقعين اني اشيله من اول شهر ،، كانوا يقولون لي : انتي ما تتحملين ألام التقويم والشد ! .. والحمد لله حطيته و خلصته :):42:

    لما تشدين راح تحسين بألم .. و يختلف على حسب الشخص .. اختي كانت تعتصــر ألمـاً .. بس انا كان يعور بس مو واجد !!!

    و فرشاة الاسنان .. انا الدكتورة عطتني مجموعة كاملة فرش اسنان .. أهم شي ترا تنظيف الاسنان .. لانو مو حلو تتعبين عليهم وبالاخير يطلعون مو نظاف :) ..


    انا شال لي الدكتور ضرسين من تحت .. :) .. لأن أسنان الفك السفلي كانت متضاغطة ومتراصة من قدام ،، ومتوسعة من ورا .. فـ اقترح الدكتور اقتراحين:
    1- اشيل ضرسين ..
    2- اركب مسامير في منطقة ضرس العقل يشدون الاسنان اللي ورا ،، بعدين اركب التقويم عشان ارتبهم !!

    واخترت الحل الاول :) .. و خلصت في سنة وحدة

    وبرمضان هذا راح اخلص سنة من شلت التقويم :) ..

    والحين انا مشتهية ارجّع أيام التقويم خخخ

    لا تشيلين هــم ،، انتي بتتعورين يوم .. والا اسبوع .. بس بتفرحين بالنتيجة طووول عمممرك
  2. @taybh

    انا مومركبه تقويم
    بس اعرف وحده انها في البدايه يألمها
    بس بعدين تعودت
    الله يوفقك وترتاحين منه وتكوني
    صاحبة اجمل ابتسامه (:
  3. صاحبة الموضوع
    هديل الحياه
    هلا حبيبتي ان شاء الله انه تكفير لسيئاتنا صراحه آلامه مو سهله .. وزين طمنتيني انا كنت قلقانه انها ماشالت لي ضروس حاسه اني مركبته كذا على الفاضي .. يالله ان شاء الله القى نتيجه على هالصبر
    مرسي ياقممر


    وردة جورية
    ياعمري انتي وصفتي معاناتي بالضبط ياربي حتى التمره عجزت اكلها بس ماعليك احطها بفمي وابلعها تشقق حلقي خخخخخ
    وانا بعد اسناني اللي تحت مرتبه مابينها فراغات بس ماشالت ضروس مدري ليه ؟؟ على العموم انا بس اروح لها اخليها تشوف صرفه مو بس كذا اتعب على الفاضي
    ومبروك حبيبتي ان شاء الله تتهنين بالنتيجه مشكوره ياعسل


    تائبه
    اميييييين الله يسمع منك ياقلبي مشكوره على مشاعرك النبيله الله يوفقك يارب
  4. @ghdaquot_agml

    ااااااااااااااااااااااااااااااااه ذكرتيني ركبته قبل ست شهور وخروووووووووووووووا عن العوار اول اسبوعين والله صرت اكل من اكل اختي اللي عمرها سبع شهور سويت انقلاب في البيت من الالم والصراخ ماقدر انام ولا اكل ولااتكلم الا بعد جرعات من البندول نزلت خمسه كيلو كل من شافني قال وش فيك بس الحمد لله خف الالم تدريجيا صح يعورني مع كل شد بس احسن من اول بواجد وترى انا نفسك ما قلعت شي لان الحاله اظن ماتحتاج ...... بتذكرينها وتضحكين (هذي كلمه امي لي) بس انتي تحملي شوي خلاص هانت وعليك بالبندول .غريبه قالت لا تاخذينه دكتورتي قالت كل ست ساعات خذي حبتين بالنسبه لي والله مادري اش كنت بسوي من غيره. وعلى فكره حطي مغاطات رمادي بس موالفاتح. يعطي شكل صغير ورقيق للتقويم ....باي...
  5. @rshf_hnyn


    انا ماركبته كنت ناويه اركب بس زبط الوضع بدون تقويم لان اسناني كانت كويسه
    بس حشووه وتلبيسات وزبط الموضوع
    بس حاسه فيك عيوني
    لان ضرس العقل دوبو يطلع ومعاناه مو قادره يطلع عمل الدكتور توسعه وكلام
    وحركات ومن غير الالم الله لا يوريك
    يعني الاسنان بصراحه اسوء الم
    بس زي ماقالوا البنات اطمني فتره وتعدي
    حاولى انو تتجاهلي الوضع وتتعودي ان شاء الله
    وخذي مسكنات واهتمي بنظافة اسنانك عشان لا يتراكم الاكل بين التقويم
    ومن جد اعرف بنات يركبوه متعمدين لانه موضه حتى لو ماكانو محتاجين له
    ولا كمان اشكال حلووه والوان
    وفي الماس وحركااات
    يلا ان شاء الله تحصلي على احلى ابتسامه ومايروح تعبك بلاش





    ¯¨'*•~-.¸¸,.-~*' ¯¨'*•~-.¸¸,.-~*'
    رشفة حنين ¯¨'*•~-.¸¸,.-~*' ¯¨'*•~-.¸¸,.-~*'
    ¯¨'*•~-.¸¸,.-~*'رشفة حنين ¯¨'*•~-.¸¸,.-~*'

تابعي تجارب أخرى من هذا القسم.