بالبدايه حبيت ابارك لك والله يتمم فرحتك ويسعدك يارب ويجعلك بعيون زوجك اميره
بالنسبه لفستان العرس انصحك تروحين السوق الداخلي بالحفر بمجمع الراجحي مول روعه الفساتين حتى اهل الكويت يجون ياخذون منه وفي بعد بالعقاريه بس اللي بالراحجي احلى بالدور الثاني كله مخصص للعرايس طبعا تأجرين افضل ..
العطور بعطيك كذا عطر يعجبوني وانتي شميهم اذا اعجبوك خوذي منهم الناس اذواق
جفنشي الوردي كان عطري بليله زواجي روعه ريحته ترا في انواع انا اقصد الوردي القديم
وعطر لاكوست الفضي ثابت وفواح للعازيم
وعطر Bossالوردي الجديد ريحته بارده تصلح للبيت على البجامات وفساتين البيت
نصيحه انا افضل باث اند بادي على نكتار عطورات الجسم عندهم احلى جربي جابنيز وباريس امور ومجموعه القطن
وفكتوريا سيكرت عندهم لوشنات هاديه بس لاتكثرين نوعين كفايه
ولاتنسين المسك الابيض مسك العروس من عبدالصمد القرشي نصيحه لازم يكون عندك يجنن ريحته نظافه بالشعر والجسم ماتستغنين عنه
والملابس لاتكثرين ترا مو كلهم راح تلبسينهم بعد الزواج تطلعين وتقضين مع زوجك
اهم شي نوعي بملابس البيت ...
وملابس الطلعات والاستقبال وحق العزايم
انصحك وبقوه خلطه السدر للجسم روعه تفتيح ونظاره تلقين لق ثلاث مرات بالاسبوع ورطبي جسمك بعدها
وحمام مغربي كل اسبوع وقبل تستخدمينه حطي زيوت على جسمك يرطبها ويفتحها
وسنفره القهوه بعد حلوه والحين الجو صار بارد رطبي بالزبدات افضل وتفتح مع الاستمرار
واي سؤال حياك انا مثل اختك اسئلي اللي تبين
والله يوفقك
والاهم من هاذا كله استغفري كثيررر وتصدقي لو بالقليل من مهرك عشان الله يبارك لك
نسيت اعلق عن الذهب تخيلي انا شريت 20 الف والله بعته 10 الالاف خسرت فيه 10عشره
حيل يقهر الذهب نكبه يعني الطقم الواحد لاتاخذين من اللي اسعارهم غاليه لان الذهب صار زي الاسم فيه ربح وخسارا
قلت لخواتي ادخرو فلوس الذهب افضل اذا تزوجتوا جد والله نكبه
بنات فيني رعب ، زواجي اقترب كثير
متابعة النقاش، صفحة 8