المحاكم وجودها زي عدمها

والله عمرك يروح وانتي في المحاكم
اليوم رحت موعد المحكمة وانا منتظرة احر من الجمر من ثلاث شهور
علشان قضية النفقة والحضانة
و طليقي ما حضر وانا ما همني قلت عادي المحكمة حتاخذ اجرائاتها القانونية في حل المشكلة
الا وتفاجأت ان القاضي يقول اساسا طليقك ما وصل عنده التبليغ علشان يحضر الجلسة
انا خلاص تجننت انا منتظمة بكل شي وماشية على القانون ومنتظرة ثلاث شهور على موعد جلستي وآخرتها ما بلغتوا الخصم بالحضور !!!
يعني الاهمال منكم مو مني !!
ودحين حددوا موعد جديد للجلسة وبرضو بعد ثلاث شهور
حسبي الله ونعم الوكيل عندهم بروود وغير مبالاة
بالله عليكم ايش الحل انا ما ابغا شي منو انا بس ابغا يثبت هوية البنت و مالي دخل فيه
انا قلت لكم في موضوعي السابق انو القاضي حكم بحضانة بنتي لطليقي انو ياخذها وهي عمرها سبع سنوات
بس انا غيرت القاضي علشان ابغا حكم جديد