مساء الخيررر خواتي الغاليات
اظن معظمكم يعرف مشكلتي في تاخر الحمل التصاقات شديده بالانابيب ووبعد عمل منظار البطن تم تحويلي لطفل انبوب والحمدلله ع كل حال . انا الحمدلله رحمي ومبايضي سليمه بس مشكلتي اللنابيب وزوجي سليم الحمدلله ...
الحين تم تحويلي عياده العقم بمستشفى قوى الامن بالرياض وانا خايفه مادري يسويلي عندهم الانابيب او يحولوني اي مستشفى ؟؟؟
ويابنات ابغى تجاربكم وكيف الي جربتم عندهم كيف نظامهم بالضبط تكفوووون مالي غيركم .. وايش تنصحوني فيه . وراح ادعيلكم بنات ...
شاركي في النقاش
سجلي الدخول لإضافة تعليق.
التعليقات
7- 27 مشاهده ومافي رد افااااا😢😢
- اختي الله يشفيك ويرزقك لا تضيعين اي فرصه وتترددين توكلي على الله وسوي الانابيب العمر يمضي
- قوى الامن مايسون اطفال الانابيب يحولونك لمستشفى التخصصي او مدينة فهد او الحرس
هم خيروني واخترت مدينه فهد اسرع بالقبول وافضل مختبر على الدكتورة - تسلمين وابغى كمان تجارب الاخوات
- والله ودي افيدك بس المعلومات عن الحكومي شحيحه شوي
اقولك اسجدي شكر لله ان المستشفى حولوك لعيادة العقم ومستشفى قوى الامن من المستشفيات القويه
والحكومي بشكل عام مختباراتهم متقدمه ودقيقه ويجتهدون بالتحاليل وكمان في تحاليل يحولونها لمختبارات برا
ومدام مشكلتك بالانابيب ان شاءلله بسيطه جدا
لان الانابيب تمنع الحمل الطبيعي بس تلقيح ماتمنعه
الله يفرح قلبك بشوفت ضناك يارب
وخبرين اش يصير معك ربي ييسر لك امرك ويسل عليك
مواضيع مشابهة
تابعي تجارب أخرى من هذا القسم.