أنا عايزة اقولك حاجة يا نودى.. اياكى تحسى بالذنب انك مش قادرة تعملي لباباكى حاجة . كل اللى تقدرى تعمليهولو انك تكونى جنبه على قد ما تقدرى وتسمحلك ظروفك.. لانه كمان هو اكيد التعامل معاه صعب دلوقتى ومش متقبل حاجة من حد.. فانتى شوفى ايه اكتر حاجة تريحه واعمليها.. وغالبا هتكون وجودك جنبه.. ربنا يقدرك و يخفف عنك وعن والدك..
رونا، انا فعلا باحاول اني ازروه بصفة منتظمة على قدر استطاعتي و باحاول اتكلم معاه و احكيله الاحداث اللي بتحصل (لانه كان دايما بيحب يتابع الاخبار) بس بانقي له الاخبار الخفيفة، لكن المشكلة انه مش بيتجاوب في معظم الاحيان و مش بابقى عارفة اذا كان سامعني و مستوعب بس مش عاوز يرد او قادر يرد او مش معايا اصلا و سرحان في حاجة تانية. الحمد لله على كل حال و جزاكي الله خيرا يا رونا كلامك ريحني كتير
فطومة، معلش انا بجد كأبتكم على الصبح بس كنت محتاجة افضفض. ربنا يتولانا برحمته الواسعة