ساعدوني باتخاذ القرار

السلام عليكم ورحمه الله
انا في همي وضيق لايعلم به الا الله
بااقول لكم قصتي وساعدوني اتخذ. القرار الصحيح
انا يتيمه لاام. ولااب ولا عندي اخوان
تزوجت من 13 سنه ومعي 4اطفال
زوجي طيب وكريم لكن عيبه شكاك ومدمن مخدرات بهذلني يشك في كل شي يفتش اشياء ماتخطر على البال مايطلع الا ويحط تسجيل ويجلس يسمع التسجيل ويقول سمعت صوت واحد وصوت باب ومدري ايش جنني صبرت وبعد جهد راح تعالج وزانت الامور سنه وترك العلاج ورجع للمخدرات. ورجع للضرب والقذف والشكوك
كرهت حياتي وطفشت انام وانا خايفه واصحى وانا خايفه
احيانا اكون نايمه يجي يصحيني ويحقق معي تعبت
واليوم دقيت على عمي وجاءعمي اخذني ورحنا قرمنا بلاغ في الشرطه ورفعو بالقضيه المحكمه واللحين انا عندعمي انا وعيالي
وماادري وش اقرر الطلاق والا تعهد وعدم ايذا
انا عفته وابغى الطلاق بس العيال مدري كيف اتصرف وانا ماعندي احد يوديهم ويجيب اغراضهم
واحس مستحيه من عمي خايفه مع الوقت يملون من العيال ابغى كل واحده تحطها مكاني وتقرر

17 تعليق 1,957 مشاهدة

شاركي في النقاش

سجلي الدخول لإضافة تعليق.

التعليقات

13
  1. @rym_aghl_mn_aamry

    اختي والله هذا قرارك بس مدام مدمن ليش ياقلبي تحملين المهم اللي صار صار خذي تعهد انه يتعالج وش مدمن زوجك حشيش ولاهيروين ولاايش
  2. @myooom_2

    ي قلبي
    الله يعينك لك رب ماراح ينساك
    المشكله ي اختي هو مدمن والمدمن مايحس بنفسه ممكن بكره يسوي فيك شي انتي ولا عيالك فكري فيها وانا اختك
  3. @anth_okly_ghror

    صاحبة الموضوع
    هو مدمن حبوب وحشيش
    واكيد اذا تطلقت بااستقر في بيت لحالي بس انا خايفه القضيه تطول وعمي يمل والمشكله رحت مدينه ثانيه وعيالي يدرسون يعني اللحين مغيبتهم
  4. @myooom_2

    اذا عندك مايثبت أنه يتعاطى ماتطول القضيه
    اختي كانت مثل وضعك وورتهم الإثباتات انه يتعاطى عدى طول طلقوها منه

تابعي تجارب أخرى من هذا القسم.