التجمع الحادي عشر للبنات (تقويم الاسنان)/ لا يوجد متابعة من قائدته + لا يوجد تفاعل

حياك الله معنا :)
والله ماعندي فكرة ، ماحصل معي
الألم طبيعي جدا ، لسه الأسنان على بال ماتتعود على التقويم بإذن الله

الله يحييك ويخليك حبيبتي
اصعب شي من ركبته الاكل "( كلش الا الاكل عاد انحرمت من اشياء كثير احبها بس يالله اللي يبي الدح مايقول اح.

والالم ايه سمعت كثير يقولون ان كم يوم بس وتتعودين مع الوقت الله يعين بس ترى مو الام قويه مره انا دلوعه ههههههه
واليوم ان شاءالله عندي موعد بعمل حشوات.

ههههههه ذكرتيني وأنا آكل الدجاج قطع قطع وآخر من يقوم من السفرة هههههه
بس الآن الحمممد لله مافي أي مشكلة في الأكل إلا يوم الشد وبعده بكم يوم
عادي آكل اللي أبغاه واللي نفسي فيه لأني تعودت خلاص على التقويم بس القاسي طبعا لا
هههههه ربي يسعدك
بإذن الله تهون ربي يتمم لنا على خير ونشوف النتيجة الجميلة ❤

الله يعافيك طمنتيني ومن ناحية تقطيع الدجاج انا شوي واطحنه الحمدلله على كل حال هههههه
من جد الله يصبرنا ونحصل الابتسامه الجمييله اللي نتمناها ان شاءالله

اهم شي يابنات انتبهوا لنظافة اسنانكم عشان البكتيريا لا تتراكم وتسوي لكم مشاكل بعدين ماعليه لمصلحتك عودي نفسك بعد كل وجبه قومي فرشي لان ترى ممكن تسببين لنفسك ريحه ومشاكل اخرى وانصحكم بغسول للفم يحتوي على مادة الفلوريدا وكمان معجون لانه مره كويس للبكتيريا ينظفها وسلامتكم

السلام عليكم
لسه كاتبه سؤال عن التقويم بالقسم واحد الاخوات قالت في تجمع للتقويم فقلت ارجع اكتب سؤالي هنا ^_^


كان عندي زياره لطبيب الاسنان لمشاكل تسوس وغيره فقالي اسنانك تحتاج تقويم بس يعني الحمدالله بشكل عام انا شايفتها كويسه بس قالي الافضل عشان الفراغات وترتيبها ومن هالكلام
بصراحه ماعندي ادنى فكره عن التقويم

ياليت تفيدوني ايش فايده تقويم الاسنان ؟؟ وكم يطول ؟؟ وهل ممكن ينفخ الفم وكذا لان اذكر زمان كنت اشوف بنات كويس عليهم وناس حسيت في انتفاخ بالفم بس مادري هل بسبب التقويم ولا كيف؟؟
وهل التقويم انواع ولا كيف؟؟

وهل ممكن ينفك ولا علطول راكب بالاسنان؟؟ وكيف موضوع التفريش؟؟
وايش سلبياته لو في سلبيات ؟؟
وكم بشكل عام اسعار التقويم؟
وهل تركيبه مؤلم؟
وكيف موضوع الاكل اذا ركبتو التقويم؟؟


اسفه على كثر الاسئله بس لاني ماقد فكرت بالتقويم ولا اعرف اجابياته او سلبياتها لما توه قالي الطبيب اني احتاج

ياليت تقولولي كل اللي تعرفوه عن التقويم ماودي اروح للدكتوره الا عندي فكره عن التقويم
والله يجزاكم خير