اتصلت وعزمتنا وفرحت لاني جد طفشت من جلسة البيت ....حتى العزيمه في بيت أهلي لازم بظرف أفضل لان فيه اوقات صعب اعزم أحد .
المهم رحت ولبست وكشخت طبعا بعد مانحفت وبوتكس وأبره النظاره....الخ
المهم اني طلعت توب متغيره جذريا .
ونفسيتي حلوه وكذا طبعا أنا الوحيده مطلقه بين المتزوجات والملكات والعازبات .
وختكم بلاه بس تبوسم ومستانسه وش زيني
ومن موضوع لموضوع يفتحون وشوي قهوتي انكبت بسم الله الا المعزبه قالت فال زين بيجيك خاطب لان القهوه اذا نكبت معرس جاي !!!
ابتسمت وسكت . وحده نطت قالت البنات اللحين مومحصلين .
والثانية تقول المطلقه مايخذها الا المتزوج .
والثالثه تقول حتى الحين الوحده اذا تطلقت مااحد حتى يلتفت لها.
وأنا في قلبي غصه .
وقلت رزقي عن ربي .
بس جد نكدو علي وطول الجلسه المطلقه محد يجيها غير المتزوج ....هو صح ماتقدم لي غير المتزوج بس نفسي ماتتقبل وانا ماعندي اطفال من حقي افكر بواحد ماعنده شريكه .
لكن ليش نظرة هذي للمطلقه ومن جنسي .
وربي سدو نفسي وش ذا الفال .
أنا موضد الزواج من متزوج بس فيه ناس عندها قدره تحمل وانا نفسي تأبى هذي العيشه .
بس وش هاالمجتمع
شاركي في النقاش
سجلي الدخول لإضافة تعليق.
التعليقات
39- بلاه =باالله
تحمل =تتحمل - ماعليك منهم لا تخلين كلامهم يؤثر عليك
واضح من كلامك انك تحبين الوناسه والفرفشه خليك كذا على طول اسمعي من هنا وطلعي من هنا وعيشي حياتك مافي احد يستاهل
واللي بيشمت ربي يبتليه
ان شاء الله ربي يعوضك بالزوج الصالح - الحين مطلقه وتفكرين بالزواج مره ثانيه
انا كتبت ردي ووجهة نظري في زواج المطلقه الثاني تراه تضيييع وقت وماينجح
ترا الحياة اكبر من مفهوم الارتباط احيانا الانثى تكون سعيده لحالها واسعد لما يكون مطلقه وعندها عيال
انصحك تكفلين يتيم وتحاولين تحفظين قران
بلا زواج بلاهم - حسد وغيره ياشيخه ارمي ورا ظهرك مطلقه ولاببنت كلهم بساعه تصير واحد هم غارو منك وشافوكي مبسوطه وحبو ينكدو عليكي حسبي الله عليهم
- اصلا مو من الأدب يقولون هالكلام قدامك حتى وان كان الواقع يقوله ..!
انا اعرف بنات متزوجين شباب واكثرهم مخلفين بعد مو انهم بدون اطفال .. الرزق من الله ياعمري مو من خلقه
مواضيع مشابهة
تابعي تجارب أخرى من هذا القسم.