تباشير السعادة التاســع لمواليــد 🎉🎉( نوفمبر - ديسمبر)💐🎉🎉

الله يجزاك خير على دعواتك الحلوة ❤

ابشري ياقلبي باذن الله 😘

ايه والله الحمدلله
قررت اطنش وابدا اجهز للاستقبال باذن الله
لانه راح يكون بعد اسبوعين من ولادتي
يوم لاهلي عماني وخوالي
ويوم لحمولتي

انا كنت مخططه على كل شي ومرتبه اموري
ومن بكره اببدا بالشوكولاته والمويه اللي ماتخرب تكون نفس الثيم
وباقي التقديمات اذا ولدت باذن الله 🌹

صباح الخير بنات كيفكم والله وحشتوني موووت 😍😍مررة انشغلت ب المولود مامداني ادخل واحكي اكشني غير اليوم المهم القصة ومافيها يوم الاحد كنت صاحية الصباح ارتب البيت وخلصت وانا في المطبخ نزلت سدادة عنق الرحم حسيت فيها 😢😨وع طول للحمام بتأكد وطلعت هي مثل ماوصفتوها كتلة وفيها خيوط دم الله يكرمكم ومن بعدها بداء قلبي طربق طربق❤ وكان في مغص بس مغص محتمل يعني ك العادة قلت اكيد تقلصات في الرحم وبعدين رحت تروشت وروشت بنتي وجهزت اغراضي لان كنت حاسة اني بولد وكان المغص موجود والمغص من كم يوم احس فية بس دائما انام واصحى وانا بخير بس هذا المرة غير نمت تقريبا الساعة 1 بعد الظهر وصحيت ع الساعة 3 احس الأم قوية واحس اني حشرانة بموووت 😦وجلست الا وتنكب المويات وقتها عرفت ان ساعة الصفر قربت وهو الولادة وقلبي طربق طربق❤❤❤ وع طول للحمام وجلس الموية يكب شوية ويوقف والحمدالله مانزل مثل البزبوز يعني نزل خفيف واول ماخف لبست فوطة وطلعت برا امسح الارض خاصة مكان قومتي من السرير والالم يروح ويجي يروح ويجي وكل مرة يتقارب الوقت وانا ادعي واتحرك بسرعة وادق ع زوجي لان كان في العمل بس كان وقت خروجو واقلو ابغاك توديني المستشفى يسيل مني مويات ويجي بسرعة وانا الالم ذبحني بس برضو كان محتمل مو لدرجة اني اصيح وادعي يارب يسر يارب يسر واتصل في اختي واقلها نزل مني مويات وبجيب بنتي عندك واول ماجا زوجي اخذ بنتي واغراضها ونزلها بسرعة عند اختي واخذ شنطتي وركبنا السيارة ومن هنا بداء الاكشن والبكي الالم 😢😢😢😢😢😢😢 زاد وجالسة ااكد لزوجي ابغى ابرة الضهر ماقدر اتحمل الأم الولادة وشوي وابكي من الالم وشوي ويخف وصار كل دقيقة ودقيقة يرجع الالم وابكي ولسا ماوصلنا المستشفى وانا ابكي ومرعوبة كان اهم شيء عندي ابرة الظهر لان بجد ماقدر اتحمل الالأم ودخلنا الطوارى وشافتني السستر وقاست وزني وانا التعب هلكني ورحت انسدحت لسريري واحس ظهري بينخلععععععع سبحان الله احس هذا الالم كلو في الظهر وتجيني ذيك الرجفة وكل شوي ااكد لزوجي ابغى الابرة ابرة الضهر ماقدر اصبر ماقدر وابكي وارجف يارب رحمتك الواسعة 😦 وزوجي يهديني وبعدين يقلي بيروح حشران خخخخ قلت لو لاتروح وتسيبني وين الدكتورة وراح يناديها تأخرت ماجات بسرعة المهم جلست في الطوارء تقريبا ساعة وانا احوس والوس 😬😠وابكي وجات وكشفت وقالت 5 سم هنا انجنيت 😲 وقلت لزوجي ابرة الظهر اكثر من 5 ماتنعطى الله يخليك روح اطلبها المشكلة من اول بيطلبها بس يقولو فوق مو هنا وجابولي سرير علشان انقل فية ويطلعوني لفوق عاد النقل من سرير لسرير بهذلة وانا بذا الوضع كيف اتحرك ياربي والالم ذبحني وزوجي يقلي يالله حاولي علشان مايضيع علينا الوقت لابرة الظهر وانا فرحت 😄 وكان الامل موجود لابرة الظهر ماكان هامني شي غيرها احتاجها وصلت مرحلة ارجف وابكي وهما يدفوني وانا ادف نفسي للسرير وغصب وصلت لو اااااااه يابنات ااااه قد ايش يوجع الحمدالله ع كل حال ونقلت واتغطى بشرشف وطلعوني فوق لغرفة التوليد وانا وقتها الطلقة خفت واقول في نفسي يارب ماتجيني طلقة الا وانا في غرفة التوليد مابغا اصيح قدام الناس والحمد**** جتني طلقة وانا في الاصنصير واحاول ما اصرخ مابغا الناس تسمعني وانا منتهية خلااااااااص ووصلت غرفة التوليد واخيرا وصلت لها ياربي وانا بنفجر وقعدت اقول لنفسي هذا الالأم مو 5 سم اكيد فتح اكثر بس مازال الامل موجود لابرة الظهر طلعة الراس مولمة ماقدر اتحملها وزوجي اول مادخلني غرفة التوليد راح بيخلص من اجرائات الابرة وتعالو شوفو السسترات كيف يقولولي يالله انقلي لسرير ثاني وانا وش يقدرني انقل ووقتها الالم زاد زاااااد زااااااااااااد اضعاف الاضعاف 😭😭😭 احس عروقي بتتقطع احس الالم من شعر راسي لضفر رجلي احس ظهري بينقسم نصين شكيت وقتها انها خلاص الولادة وانو فاتح 10 سم وهذا وانا لسا مانتقلت لسرير الولادة وقربوة مني بس احس من الالم انو بعيد كني بنط من جبل لجبل مو من سرير لسرير 😨😢 المهم قبل مانتقل احس شي بيطلع مني احس راس النونو تحت خلاص منتهية ودفيت دفة قووووووووية واحس الالم زاد واسحب نفسي والسسترات يسحبوني وغصب وبعد معانة انتقلت للسرير وارجع وادففففففففففف دفة قوييييييييييييية 😱😱😱😱😱😱وانا ماسكة حديدة الكرسي لان خلاص حسيت ان الراس تحت والسستر تقلي مافي دف مدام وجات تكشف من تحت وحسيت وقتها انهم استعجلو ويتحركو بسرعة واسئلها كم سانتي تقلي خلاص مدام عشرة وقتها استسلمت للامر الواقع اني بذووووووق الولادة بمرها بذوق طلعة الراس 😢الحمدالله ع كل حال وجات الدكتورة مستعجلة وبسرعة تلبس غطا اليد وتجيب المقص وشفتها تقص وتقلي دفي يالله وادف وتقلي مرة ثانية دفي والسسترات بوش بووووووش وانا ادف دفة ثانية والحمدالله خرج وكان وقتها الساعة 6 وحسيت انها ردت لي الروووووح اة ياقلبي عذاب وكابوس وانتهى 😥😥😥😥😥 وبعدين زوجي المصون جا يقول للدكتورة خلصت اجرائات الابرة وهي تقلو المدام ولدت وجابتلك ولد ههههههه وهو وجهو صار كذا 😕 الحمدالله يارب وبعدين خيطتني وقبل ماتخيط سوتلي بنج وركبولي قصطرة وسبحان الله الخياطة تجنن كأنها تراشيني مو تخيط هههه عجبني الحال 😁😁والحمدالله كان القص صغير مو كبير وبعدين خلوني في غرفة التوليد علشان يتأكدو اني بخير وبعد ساعة نزلوني لغرفتي وانا طايرة فرح اني خلصت وبعدها اهلي جوو 😇وشافو نونتي راكان الي نورررر كل دنيتي 😄😄 اللهم لك الحمد والشكر وهذا هي ولادتي طبعا قبلها لاكنت امشي ولا استخدمت خروع ولا اي خلطة سبتها لحالها تجي وبسسسس والحمدالله ربي يسرها ولعلها خيرة ماسويت ابرة الظهر 😁😁😁😁😁

حلوة حياتي الحمد لله إن ربي هونها عليك..بس وصفك يعور للولادة..الله يعيننا ويسهلها علينا يارب.. كم أخذتي من التاسع بعدين ولدتي ؟؟

تنشد 💕
ووووووه فديت الناس الذوق
يارب ويقولك الملك ولكِ بمثل 😘


طينه هههههههههه
الله يسهل عليك يااااااارب أتوقع محد بينساك كلنا ندعيلك 😘




تنشد حلو أنتي ماشيه صح
واللي تحرص وتهتم بتجني ثمر تعبها
ماشاء الله عليك الله يرزقك بر ولدك ويفرحك فيه يااااارب