الام الزائره او العمه الزائره

السلام عليكم


ي طويلات العمر
ولد اخوي في الروضه
كل يوم يجي يحكيلي ي عمه صديقي فلان امه جت وجابت كيكه والعاب ولعبنا وصورتنا الى اخررر


احس بخاطره امه تجي بس طبعا امه متزوجه
وادري اذا رحت ماراح اكون مكان امه
الزبده


ودي اروح كاعمه زائره لاكن ماني عارفه ايش اقول وش اقدم الاطفال
ياليت تساعدوني
وشكرا♥

7 تعليق 1,304 مشاهدة

شاركي في النقاش

سجلي الدخول لإضافة تعليق.

التعليقات

7
  1. @tag_alakhlak

    الله يجزاك خير على اهتمامك بمساعر هالطفل ويجعله في موازين حسناتك


    ايه يالغاليه الاطفال غارون وتحز في خاطرهم اذا جو امهات اصدقائه او اقاربهم وهو لا فا مبادرة حلوة منك
    شوفي انا العام رحت ام زائرة مع طفلي وكانت اول مرة وكنت محتارة دخلت النت والانستقرام ولقيت روضةت مدارس منزلين صور للحفلات وافكار امهات زائرات واستفدت


    فمن الافكار اللي اخذتها .شوفي بعطيك برنامجك باليوم هذا وش تسوين
    طبعا تجيبين كيكه حسب قدرتك انا جبت كيكه عليها صورته واذا تقدري تصلحي سندوشات فطاير براحتك او مو ضروري انا صلحت بيتزا مدورة ووزعتها مع الكيك
    وطبعا تجيبي الشمعات اللي تنحط على الكيكه وصحون وشوك وسكاكين ومناديل وصحون هذا بخصوص الاكل وايضا تشاركين الاطفال بعمل فني انا صنعت لهم فرشة اسنان وتشاركت معهم بصنعها طبعا الفكرة اخذتها من النت وحازت على اعجاب المعلمات وبس وبعدها تقعدين تحاورين الاطفال عادي سواليف عاديه يعني تجلسين بالفصل معهم وتتكلمين عن ولد اخوك والاشياءالحلوة اللي يسويها في البيت ولو فيه صور له وهو صغير تجيبينها تورينهم اذا هو وافق تشاورينه قبل بعض الاطفال مايبون وبس
    واتمنى افدتك والله يوفقك
  2. @tag_alakhlak

    نقطه اخيرة نسيت اضيفها ومهمه في الام الزائرة تجيبي هدايا للاطفال وولد اخوك اخر البرنامج يوزعها عليهم وتكون هدايا رمزيه تاخذيها من محلات فرصه وطقتها مثلن الاوان او كراسات فيها رسومات تتلون او او او الافكار كثيرة بالمحل اختاري اللي يناسب ماديتك وممكن تسالي المعلمه قبلها بكم يوم عن عدد الاطفال بالفصل عشان الهدايا وممكن عدد الاولاد وعدد البنات اذا حابه تنوعي وبس

تابعي تجارب أخرى من هذا القسم.