بنات وربي تعبت كيف اسوي عشان ما عاد اجلس اشكي على امي واصير احفظ اسرار ومشاكلي لنفسي؟

جزاك الله الجنه وبارك فيك
بس مااقدر اكتب في ورقه واحرقها او امزقها لانياخاف احد يجي بغته ويقراء كلامي وانا ماابغاء

اولا اعرفي انك راح تضيقين صدرها وهذا مو من البر بها ثانيا خذي ورقه وقلم واكتبي كل اللي بخاطرك وبعدين كبدك وإذا خلصتي احرقي الورقه وتحسين براحه أن شاء الله

فيه جاره لنا زمان عجوز {{{{حكيمه جدا }}}}تقول تزوجت واحد من عائله معروفه بالغنا والعز وهي عكس كذا كان يحبها يموت فيها لدرجة انها يلبسها الشبشب بيده هي ميزتها الجمال مااراد الله نصيب بينهم وتطلقت ورجعت بيت اهلها الفقراء
واخذ بنتها الرضيعه منها واختفى عن حياتها تماما هي من منطقه غير منطقته ومعد تدري عن اخبار بنتها هي تحت الارض او فوقها تقول: كنت اذا جاء الليل ابكي على بنتي وسادتها تتملى دموع ( وطبعا اكيد تبكي بعدعلى حياة العز والدلال بس ماقالت هذا الشي) تقول اذا اصبح غسلت وجهي وتكحلت وجلست مع اهلي اسولف واضحك ..
انا كنت افكر فيها ليش تبكي بس بالليل ومحد يدري عن دموعها وحزنها ليش تخفي عيونها بالصباح بالكحل ليش ماكانت تشكي وتفضفض لهم
وطبعا ماسالتها هذا السؤال
ومرت السنين وفهمت البشر وعرفت بنفسي ليش ماكانت تشكي لهم ..!

جزاكم الله خير وبارك فيكم

عودي نفسك تشكين لله سبحانه والشكوى لغير الله مذله راح تتعودين مع الأيام