بنت خالتي محتاجه مشورتكم

السلام عليكم ورحمه الله وبركاته كيفكم يااحلي عسولات
بنت خالتي عندها موضوع تبي تستشيركم فيه مع اني قلت لها بعطيك المعرف بس كسوله مارضت تخش تكتب هههههه ماعلينا
السالفه ومافيها هي مجمعه مبلغ تقريبا 15 الف ريال من حافز ومن أهلها لا عطوها بعض الأحيان زوجها انسان حالته الماديه تعتبر وسط هو يحاول مايقصر عليها بس غالبا تقول يعطيها مصروفها 500 وخلاص يوم بالسنه لا عطاها زياده او اشتري لها شي من عنده وتقول هو يبي يشتري سياره بدال سيارته لانها تخرب كثير وماعنده غير 30 الف فقط واخوة متسلف منه 10 الاف وقاعد يطالب اخوة بالمبلغ واخوة قال له بجيبه قريب المهم بالغلط شاف ورقه حساب بنت خالتي وعرف عندها 15 الف وقال لها عطيني إياهم سلف لين اخوي يجيب الفلوس وبرجعهم هي وافقت وقالت له ان شاء الله بس انت دور سياره زينه وسعرها معقول واذا احتجت مابقصر معاك بس تقول قاهرني من يوم قلت له بعطيك ماعاد طالب اخوة ابد تقول قبل لا يدري عندي فلوس شبه يوميا يدق علي اخوة ها وش سويت ووش صار ودبرت الفلوس وكذا الحين صار مهمل مره ومطمن انه بيحصل المبلغ تقول حيرني بتصرفاته واذا قالت له كلم اخوك يقول لها لا ومسكين وماعنده خليه براحته تقول أخاف اعطيه ومايرجعهم او اقعد اشحذه وخاصه زوجها من النوع العصبي شويات لو طالبته بيقول لها تعايريني وكذا وممكن يتاخر عليها كثير وش رايكم تعطيه او تقول له سلفت اختي لانها اختها بتسافر قريب وهي من قبل قايله له مو مكيفيتهم الفلوس او وش تسوي حيرانه مره