أنام جمبه ودموعي تملا الوسادة

مساء الورد جميلات حواء
أنا متزوجة من 8 سنوات وعندي ثلاثة أطفال كلهم صغار وأعمارهم متقاربة
زوجي من لما تزوجته مافيه ذرة رومانسية
وأنا قلت مع الوقت ان شاء الله يتعلم ويتعدل
أنا إنسانة جدا جدا رومانسية وأعشق هالحركات
زوجي كان عايش بقرية وماله بالحريم ولا يحب الحريم أصلا
والجماع جدا قليل بيننا وإذا حصل يكون مختصر كلها كم دقيقة بدون مقدمات
وقال لك مع السلامة
حاولت فيه كثير أهديته هدايا ومفاجآت وحتى سفرات لشرق آسيا فاجأته
وحجزت لنا حجز لشهر عسل وحاولت فيه بس مااااش
ما منه أمل .. وأنا إنسانة جدا جميلة باعترافه ويقول انه كثير يحبني لكن هالحركات مو من جمبه
حتى كم مرة أسأله اذا مقصرة بشي صارحني يحلف بالقرآن ان ما فيني قصور وقايمة فيه وفي بيته ويقول ادري تحبيني انا بعد كثير احبك بس مادري وش تبين
انا ما اشوف له رغبة بالحريم مثل باقي الرجال ولا يطلع كثير ودايم فاتح الانستغرام على حسابات السيارات ومتولع بجواله وتاركنا لا يسولف معنا ولا يعطينا اهتمام
كل شهر مع نزول الراتب يودينا نقضي للبيت من الالف للياء وما يقصر علينا بولا شي
وبالمناسبات يشتري لنا ملابس ويعطيني فلوس اذا طلبته ومو بخيل ابدا
ما يلعب مع عياله لكن عياله كثير يحبونه وينتظرون رجعته
أنا صرت هالايام طول الوقت سرحانة وأفكر لو تزوجت واحد يحضني ويدلعني
وعنده شهوة تجاهي ويحسسني بأنوثتي كان أحسن من زوجي إلي يعاملني كأني واحد من اخوياه
ما فيه لحظات خاصة بيني وبين زوجي تعوضني عن تعب طول اليوم
أنام جمبه يلعب بجواله ويدور ظهره وينام حتى فكرت يمكن ما يحبني او مجبور
لا والله مهوب مجبور ولا عنده غيري ولا يحب جنس الحريم
مع اني اكشخ والبس واتعطر وريحتي وريحة شعري كلها نظافة وعطورات هادية بس مااااااش
هو يحب اولاده كثير وانا يعاملني مثل أخته ما يزعلني لكن ما يدلعني
الموضوع هو يزعل او انا مكبرة السالفة؟؟
والله صرت ابكي جمبه بالليل وهو مو حاس فيني شخيره يوصل لبيت الجيران
وانا كأني طرارة ابغى عاطفة وحنان
هل وضعه طبيعي؟؟ او انا مكبرة الموضوع؟؟
اذا مو طبيعي أنتظر نصايحكم

39 تعليق 9,756 مشاهدة

شاركي في النقاش

سجلي الدخول لإضافة تعليق.

التعليقات

36
  1. @algthab_9

    فعلا شي يزعل ومتفهمه شعورك ..
    بس طالما لكم سنين وبينكم اطفال ويعاملكم بالحسنى لا تفكري بالانفصال وتجلسي تقارني ووو ...
    تحتاجي تعوضي نفسك بنفسك
    اعطي نفسك حنان، دلعي نفسك واهتمي فيها .. امدحي نفسك و اذا تعبانه اتركي شغل البيت وارضي بهالشي
    حاولي تكوني مكتفية ذاتيا
  2. شوفي محاسنه لا تناظرين لمساوئه وزوجك اهون من كثير غيره واقترح عليك انك تزيدين من الامور الي تشغلك وتلتفين اكثر لعيالك
  3. @mlkh_30

    اختي لو عملتي له كل شي وماقصرتي معه
    جيبيه بالطلب قولي له ابغي حضن اطلبي منه يبوسك كل شوي قولي محتاجه حنان منك بيني له انه ناقصك شي يعني وضحي له لا تلفي ودوري معاه لانو اغلب الرجال مابيفهمو والحقيقه الرجال يحبو الطلب لين مايتعودو مثلا قوليلو نام جنبي مو تعطيني ظهرك او روحي للجنب اللي ينام فيه خلك شقيه معه اتمنى اني ساعدتك ولو بشي بسيط الله يوفقك
  4. الجذآبة
    فعلا شي يزعل ومتفهمه شعورك .. بس طالما لكم سنين وبينكم اطفال ويعاملكم بالحسنى لا تفكري بالانفصال وتجلسي تقارني ووو ... تحتاجي تعوضي نفسك بنفسك اعطي نفسك حنان، دلعي نفسك واهتمي فيها .. امدحي نفسك و اذا تعبانه اتركي شغل البيت وارضي بهالشي …
    تترك شغل البيت ؟ يعني عادي لو زوجها يترك الصرف عليهم كل شهر ولا يشتري لهم ملابس ولا يعطيهم فلوس ؟
  5. @shyhanh_11_1

    نفس زوجي بالضبط وزيدي على هذا نكدي ويحب نفسه
    كنت مثلك في البدايه لكن الآن ماعاد استجدي العاطفة من شخص قتل انوثتي ... صرت أعيش لبناتي ...

تابعي تجارب أخرى من هذا القسم.