التجمع العشرون لأمهات مواليد الشتــاء ( ينايـــ 1 ـــــر & فبرايـــــ 2 ـــــر ) 2016

حسبت ببرنامج انا وطفلي وانت والحمل
وبحاسبة الحمل حقت بيبي ويبي بالنت
طبعا اكون في 35اسبوع 34اسبوع و6ايام باقي يوم واصير 35اسبوع وامشي بال36 اسبوع عرفتي

**انتي في الاسبوع ال34 و5 ايام ولادتك 4/1 ميلادي والا ؟؟؟؟

بنات تتوقعون البيبي اذا انولد عملية في الاسبوع 37 يحتاج حضانة ؟


السؤال الثاني على افتراض حدد الدكتور ولادتي بالاسبوع 37
وجاني طلق وولادة قبل هالموعد .. وش اسوي ووش بيسوي هو معي

37 ان شاء الله يكون مكتمل تماماً والرئة تقدر تشتغل لحالها ..
اذا وضعك طبيعي ان شاء الله ماعليكم خلاف يارب ..
كيف وزنه الحين .. هل الدكتور يقول كويس والا اقل من الطبيعي ..
لأن اذا وزنه كويس ان شاء الله يقدر يتحمل الحياه خارج الرحم بدون حضانه ..

اذا جاك طلق قبل موعد العمليه مافيها كلام بيولدك خصوصاً اذا كانت علامات ما تتحمل يأخرك زي المويه اذا انفكت او تقلصات قريبه مره من بعض تدفع البيبي .. ممكن يأخرك كم يوم اذا نزل دم .. مع متابعة نبض الجنين .. بس غالباً اذا بديتي طلق خلاص .. بتكون ولاده ..
هو بيولدك .. واذا احتاج البيبي حضانه بيروح الحضانه ..

وحده من قريباتي .. حدد لها عمليه بالاسبوع 38 .. ولما جات عنده قال دام ما تشتكي من أوجاع ولا فيه مؤشرات خطيره عليك وعلى البيبي كملي التاسع .. وفعلاً يا حياتي كملت التاسع وولدت بآخر اسبوع فيه ..
تقول انه يقول رحمك افضل وآمن حضانه للبيبي .. اتحملي عشانه .. يارب لا تحرمنا وامهاتنا اجر الحمل والوضع ..

انيقه
جارتي ولدت يوم الاثنين بعمليه في مدينه الملك فهد بعدما حاستها دكتوره في خاص وقالت لها بلاوي عن البيبي والمشيمه وخوفتها قالت الراس والرجول حجمها كبير وحجم الخصر قليل وتحتاج عنايه فائقه.
المهم ولدت بالاسبوع 37 اسبوع قيصريه الاثنين وطلعت هي وبنوتتها ما شاء الله يوم الاربعاء بالليل في البيت وهي بخير والبنوته مافيه اييي شي ما شاء الله

هانت يا قلبي
الله يقومك بالسلامه ويفرحك بشوفة البيبي وهو بصحة وسلامه