شاركي في النقاش

سجلي الدخول لإضافة تعليق.

التعليقات

17

  2. @bnaty_kbroa

    هلا فيج اختي ... ولدي ياكل عن طريق انبوب بالبطن عمره الحين 3 سنين ... صار له سنه ونص ياكل عن طريق الانبوب صراحه لما كبر وبدا يفهم كان لما يضايقه يشده ويطلع ... وكنا نوديه الطوارئ يركبون غيره ... بس تعلمنا كيف نركب وارتحنا من الركضه للطوارئ كل يومين .. وهو الصراحه ما سحبه لما لما ضايقه بالحك وكلن عنده طفح جلدي حول المنطقه اللي فيها الانبوب ... المطلوب منج تغسلينه المنطقه حوله بماي يعطونج اياه من المستشفى ... مثل مطهر او معقم ... واذا مافي عادي مو مشكله عمقمي ماي " اغليه" وحطي بزجاجه مثل حق الفيمتو مثو تكون نظيفه زين وحطي منه شوي كل يوم مسحي المنطقه اهم شي تكون ها المنطقه دايما جافه ونظيفه ... وفيه شاش قطعه صغيره مربعه قصيها من النص وحطيها حول الانبوب ولزقي الفتحه اللي بالشاش بلزق اللي يحطونه بعد سحب الدم لما يحطون قطنه عليها لزقه .وغيري الشاش 3 مرات باليوم لانه يتوسخ وهذا اللي يسبب الطفح ومع كل غيار شاش امسحي بالماي ونظفي..الانبوب اللي بالبطن يتغير بالمستشفى ضروري كل 3 شهور احنا ما كنا عارفين في امريكا خبرونا ... وانبوب التغذيه البلاستيك الطويل انتي تغيرينه كل فتره يعني لو شفتيه مو نظيف.
    فيه شغله بعد انا ولدي ياخذ بدياشور ... بس ولدج صغير وهذا الحليب لاكثر من سنه ... بيخبرونج المستشفى انه عادي تعطينه الحليب اللي يناسب الرضع من 6 شهور وحتى سنه ترجينه عدل بالماي عشان ما يكون فيه تكتلات تسد الانبوب ... وقبل الحليب فيه ماي تحطينه هم بيحدوون لج كم تحطين وبعد التغذيه نفس الشي ماي تحطينه ... واذا حسيتي انه مسدود والماي ما يمر يمكن يكون اللوك ناسيته مسكر افتحيه واذا بعد ما مر معناه الانبوب الطويل هذا مسكر غيريه ولو بعدها نفس المشكله وديه المستشفى احتمال يكون مسكر من داخل .. والماي حطي له شوي شوي مو مره وحده بقوه عشان ما يحس بالم ....
    لازم تكون ايديج معقمه وانتي تتعاملين مع الانبوب او البسي قفاز
    والله يوفقج ويسهل عليكم ويشفيه لج حبيبتي ... وتشوفينه من احسن الناس واي سؤال انا حاضره ...

تابعي تجارب أخرى من هذا القسم.