زوجي قال لي انقلعي لبيت اهلك
السلام عليكم بنات....تعودت افضفض لكم واقول لكم عن اي شي لاني دايما احصل حلول لمشاكلي ف المنتدى ذا....انا حابه اطرح مشكلتي وابي مساعدتكم عسى ربي يرزقها الفردوس الاعلى اللي ترد علي....يوم الخميس اللي طاف بالليل الساعه 12 صار بينا خلاف انا وزوجي ع شي بسيط وربي ماتوقعته يكبر السالفه ...المهم قام يصارخ وينافخ وقال لي انقلعي لبيت اهلك انا قلت له ليه تقول لي انقلعي ...قال انقلعي وكلي تبن يلا خذي اغراضك وانقلعي لبيت اهلك ...تخيلو بنات انا طلعت من بيتي باخر الليل كأني مسويه جريمه وربي الموضوع اللي تهاوشنا عليه موضوع سخيف وبسيط ماتوقعته يكبر ...بس زوجي عصبي وربي انه يعصب بسرعه وزعول يزعل بسرعه ودائما يفهم المواضيع غلط.....وع اي نقاش وخلاف بينا يقول لي انقلعي بيت اهلك..وربي يابنات كل ماصار بينا نقاش او تهاوشنا قال لي انقلعي لبيت اهلك.....المهم انا من يوم الخميس بالليل وانا عند اهلي واخوي قال اذا ارسل عليك طنشيه وخبريني عشان اتفاهم معه لانك انتي مو رخيصه عندنا عشان يقول لك انقلعي....حتى امي مقهوره من حركة زوجي طردني باخر الليل عشان شي سخيف..وبعدين زوجي دائما اذا عصب يقولي انقلعي... انا انسانه ماني حيوانه عشان وقت الزعل يطردني واذا رضى اخذني من عند اهلي...المهم انا صار لي 4 ايام عند اهلي لادق ولا ارسل....واليوم زوجي المغرب ارسل لي السلام عليكم بس انا طنشته مارديت عليه...شرايكم يابنات اقول لخوي ان زوجي ارسل علي ولا ارد ع زوجي...بس انا ابي افهم زوجي ان عندي كرامه مو كل يوم وهو طاردني من البيت ....اسفه طولت عليكم بس حبيت افضفض لكم..انا افكر بالطلاق بس انا توني جايبه ولد وش ذنب ولدي.....تكفون شورو علي شسوي