السفر وانا نفاس

السلام عليكم
الله يفرج هم كل من ترد علي
حابه استشيركم بشغله وياليت الي عندها معلومه او جربت هالشي تذكر تجربتها
انا ولادتي بعد شهرين تقريبا واناا بمنطقه وأهلي بمنطقه ثانيه وناويه باْذن الله أولد هنا وبعد اسبوع او عشر ايام من الولاده اروح لاهلي وطبعا بروح لهم بالطياره والوقت ساعتين بالجو
لكن متخوفه بنفس الوقت😣
مع العلم المنطقه الي انا فيها بارده
فكرت أدفي نفسي والبيبي واجي بس اخاف اتعب او يتعب النونو
شوروا علي الله يفرج همكم يارب
بانتظار تجاربكم 🌹

14 تعليق 1,509 مشاهدة

شاركي في النقاش

سجلي الدخول لإضافة تعليق.

التعليقات

14
  1. @snds_2015

    وعليكم السلام والرحمة
    آمين وهم جميع المسلمين يارب
    عادي حبيبتي لا تشيلي هم انا كل ولاداتي اولد بديرتي واروح لاهلي بالطيارة
    اهم شيء جهزي كل شيء من نهاية الثامن حتى ماتضطري بعد ماتطلعي من المستشفى تجهزي
    ووقت الحجز ضروري تطلبي كرسي احتياجات خاصه حتى ماتطلعي الدرج لان اول الايام مع شد الخيوط ماتقدري على الدرج
    خلي زوجك يسجلها وقت الحجز
    واكيد ضروري تتدفي والنونو والله يهونها عليك حبيبتي
  2. @ana_nana_2

    عادي ياقلبي انا سافرت ومالي الا اسبوعين من ولادتي ومسوي خياطه لكن ربي يسرها ولاكأني سافرت ....طبعا جهزت اغراضي من قبل لا اولد ويوم السفر لبست بيجامه قطن ثقيله تدفي وشرابات لأنه كان بررررد وكمان عشانها مريحه احسن من الجينز ....ودفيت ولدي وكوفلته ولبسته قبوع ولافته ببطانيه وجهزت كل احتياجاته بشنطته اللي باخذها معي الطياره من حليب ومويه و.....الخ وطبعا ماخذت معي شنطة الكتف العاديه حقتي لأن معي بيبي وشنطته عرفت اني ببتلش بها فحطيت جوالي ومحفظتي وبقيت اغراضي بشنطة ولدي لين نوصل .....وعلى فكره مااحتجت كرسي حق ذوي الاحتياجات ربي يسرها ومشيت على رجولي الحمد لله ....اهم شي امشي بشويش واطلعي الدرج بشويش واجلسي بشويش وحاولي تكون رجولك تكون مضمومه قد ماتقدرين.....


    وصدقيني انها تساهيل .....الله ييسر لك ويسهل لك كل عسير....
  3. @mlkh_bbyty

    صاحبة الموضوع
    سندس 2015
    وعليكم السلام والرحمة آمين وهم جميع المسلمين يارب عادي حبيبتي لا تشيلي هم انا كل ولاداتي اولد بديرتي واروح لاهلي بالطيارة اهم شيء جهزي كل شيء من نهاية الثامن حتى ماتضطري بعد ماتطلعي من المستشفى تجهزي ووقت الحجز ضروري تطلبي كرسي احتياجا…
    يعطيك العافيه على ذكر تجربتك اختي 😘😘

تابعي تجارب أخرى من هذا القسم.