اللي ولدت طبيعي بعد قيصري

انا ولدت قيصري قبل ثلاث سنوات ونص وتوي والده طبيعي الحمدلله يارب لاتسمعين كلام الدكتوره اذا كان كل شي عندك طبيعي انا دكتوتي اللي اراجع معاها قالت لك اسبوع زياده بعد ماتخلصين التاسع ورحت لدكتوره ثانيه بالمدينه اللي انا فيها قالت اذا ماولدتي طبيعي باليوم المحدد لك اولدك ثاني يوم قيصري وطلعت من عندها ولارجعت لها كنت ناويه اروح دكتوره ثانيه بس انشغلت وكنت اروح المستوصف اسوي سونار اتطمن عالبيبي لانهم قالوا لي طوفتي حول اسبوعين وكان معاي الم تقريبا محتمل ورحت المستوصف قالت اللي معاك طلق والرحم مفتوح ثلاثه سانتي ياربي لك الحمد فرحت كثير وصرت ادعي ربي يكملي واولد طبيعي انتظرت للصباح ورحت المستشفئ وماطولت وولدت طبيعي ياربي لك الحمد
انتي اصبري ولاتروحين هم يخوفون الوحده ويقولن مانقدر نخليك تطوفين بس لاتروحين الا كل كم يوم عشان تطمنين عالبيبي ومادام معاك طلق راح يزيد ان شاءالله بس لاتستعجلين صحيح الولاده مره مؤلمه بس اهون من العمليه عذاب ماتقدرين تتحركين او تشيلين طفلك
انا كنت اشرب يانسون مع كمون لمده ثلاث ايام كوبين باليوم والحمدلله رابع يوم جاني الطلق بس علئ كلامهم كنت مطوفه فشربته قلت اذا فادني والا ان شاء الله مايضر بعض الحريم يشربونه من بدايه الحمل عشان المغص كثرت قرقه بس عشان اوضح لك

وادعي ربي في كل صلاه انه يسهلك وتولدين طبيعي مافيه مثل الدعاء وادعي اذا جاك الطلق ان ربي يسخرلك الدكتوره اللي تساعدك واستغفري وكثري من قول لاحول ولاقوه الا بالله
وربي يسهلك ويهون عليك وتولدين طبيعي

الله يجزاكم خير ماقصرتوا حبيباتي
امس كشفت الطبيبة وكان مسكر الرحم بس نزلت افرازات بنية الله يكرمكم فترة وانقطعت تتوقعين علامة ولادة إن شاء الله؟

يوه ذكرتني بالذي مضي شوفي مامثل الطبيعي لاتستعجلين بس روحي خاص تابعي وضع الجنين انا يوم بكري رحت على طول للمستشفى كان ينزل معي مويا قليل وكشفت على والرحم فاتح واحد ودخلتن ولاده الي يومك ذا عجزت اسامحها كنت بكر ماعرف وخايفه المهم حطو لي تحميله وعجزت اتحمل وتعبنت بنتي وعلى طول عمليه
وبعده حملت بولدي ولا رحت ونزلت معي نفس المويا الي جتن ابنتي ورحت لدكتوره وقالت الجنين كويس والمويا كويسه وقالت انتى من النوع الي تنزل مويا عشان الرحم يفتحت وفعلن اخذت اربع ايام وجبت طبيعي
يوه يافرحتى كانت ولادتي سهله لدرجه ماتتخيلين يوه قسم فرق عن العمليه نقطت بحرررررر لدرجه من الفرحه بعد ماولدت بربع ساعت قمت بروح اغير وقوم الي تكرفست دخت هههههه بس حلوه مقارنه بالعمليه يازين وجع المخايط عند العمليه
والحمله الثالثه جبت عمليه لانهم تؤام واحد مقعدي فماشاوروني
خلاص اظن هالحين مافيه مجال اجيب طبيعي
ونزل الفرازت البنيه علامه ولده معانه انك مقربه ان شاءاللله قد ماتقدرين امشي
وعسك تذوقين الولاده الطبيعيه عشان تشوفين الفرق ويارب تكون لك اول واخر قيصري وبعدها كله طبيعي
وعسي ربي يختار لك الي فيه الخير لك يارررررب
اخيانا نتمنى شي وحنا مندري يمكن ربي صرفه عننا لحكمه اما اننا منتحمل

يعطيك العافية اختي ماقصرتي
الله يهوون علي وع كل حامل