اختي ماتصلي !!

عندي مشكله قاهرتني وهي
ان اختي اللي عمرها 13 سنه ماتصلي وهي رايحه اولى متوسط
مع اننا كلنا بالبيت نصلي امي ابوي اخواني خواتي الا هي
ودايم انا اهاوشها واقول لها ترى حرام عليك اللي قاعده تسوينه وخصوصا انها بلغت وينكتب لها اعمال
وامي سلبيه لابعد الحدود وضعيفة شخصيه وماتحرك ساكن
واذا قلت لامي هاوشيها قالت توها صغيرة مصيرها راح تصلي مثلها مثلكن
السؤال
ماهي الطريقه الايجابيه او الاسلوب اللي نتبعه معها عشان تصلي ويكون فيها خوف من الله ؟؟؟

15 تعليق 3,147 مشاهدة

شاركي في النقاش

سجلي الدخول لإضافة تعليق.

التعليقات

15
  1. @alhndyh_1

    حبيتي ام جنا1
    لازم تاخذينها بالين وتذكرينها وش هي عاقبه تارك الصلاه على كذا المفروووووض
    ابوكي وامك اكثر يشدون عليها وترى اذا تعودتت على هالشئ ماراح تصلي

    والمدرسه لها دور كبيييييييييييييير في النصح اولي تكلمين اي احد في مدرستهم مدرسه دين تلقي محاضرات

    وكلميها على اساس انك فاعلة خير

    اسال الله العظيم لها الهدايه والثبات
  2. @ordh_foahh

    اجلسي معاها وذكريهابعقوبة تارك الصلاه وانه يعتبرمن الكافرين والعياذ بالله وسمعيهابعض الاحاديث والآيات القرأنيه عن الصلاه وأهديها بعض الاشرطه عن الصلاه ودعيلها
    والصحبه لها دور كبير الله يهدينا ويهديها آمين
  3. @haroka

    بسم لله الرحمن الرحيم
    السلام عليكم ورحمة الله وبركاته

    أخيتي ,,,
    البنات طبعا ماقصروا بس أنا حبيت أأكد على نقطه معينه !!
    كلمي المشرفه اللي بالمدرسه أو المديره أو أي أحد له السلطه بحيث أن يخلي كل البنات يصلون واهي تتعود من المدرسه !!
    أنا أحس ان هذا الشي اللي خلاني أصلي أو هذا كان سبب من الأسباب الرئيسيه .. لآني من وأنا صغيره ماكان في أحد يقولي صلي بس في المدرسه كان يوميا البنات كلهم لازم يصلون ويكتبون اسامي البنات اللي ماعليهم صلاة عشان يشوفون !! وسبحان الله بعدها بسنه والا سنتين بديت اصلي والحين حرييييييييييصه على شي أسمه صلاه !!
    عسى الله يهديها ويثبتها ويهدي المسلمين جميعا !!
    أختي بس تداركي الموضوع لأن أختك زي ماقلتي بلغت !! يعني فرضت عليها الصلاة !! والصلاة عمود الدين !! والفرق بين المسلم والكافر الصلاه !! من تركها كـــــــــــــــــــفـــــــــــــــــــر ..
    أعرف وحده اخوها مايصلي قامت تتغطة منه بالبيت وسالها ليش تقول انت ماتصلي واللي مايصلي كافر والكافر مايحل له انه يطالعني بعدها تاثر وصار يصلي !!!

    فأنتي حاولي معاها بلين !! عشان ماتترك الصلاة وفهميها ان اللي يتركها يكفر بالله !!

    وعسى الله يهديها يااااارب

    في أمان الله ..
  4. @haroka

    نسيت أقول ..

    الأم والأب لهم تاثير قووووووووووووووي بعد

    لان البنت برايها ان امي وابوي يخافون علي اكثر من اي احد !!! قولي لأمك وأبوك يحرصونها ..
    الرسول صلى الله عليه وسلم قال ..
    أأمروا أولادكم للصلاة لسبع ..وأضربوهم عليها لعشر
    وأختك ماشاء الله عدت العشر من 3 سنين ..

    بعطيك بعض الطرق ..

    لجيتي تصلين ناديها وصلوا جماعه.. خليها تصلي مع أمك جماعه .. قولي لها عظه وعبر من هالأشياء .. صلي قدامها !!
  5. @zork_ord

    السلام عليكم ،،

    اختي جربي أول ما يأذن للصلاة أرفعي صوت المؤذن وأطلبي منها تصلي
    معاج ، أذا قامت خير وبركة اذا لا كرري هالموقف معاها وأدعي لها.
    وحاولي ممارست الصلاة أمامهاعشان تتأثروتنجذب
    ومن خلال محافظتج ومواظبتج على الصلاة يمكن تنهدي .
    ومع التأكيد على أهمية الصلاة وثمراتها من حيث كونها سبب ( في قبول سائر الاعمال، ودواء ومطهرة للنفس ، دافعة لشررور الدنيا والاخرة ، ولسلامة من الحشر مع فرعون وقارون )
    ومن الواجب تذكيرها بعقوبة تارك الصلاة ، ومحاوله نصحها مرارا وتكرارا.
    واسأل الله العظيم ان يهديها ويثبتها على الطريق المستقيم .

تابعي تجارب أخرى من هذا القسم.