بنتي والحرارة

السلام عليكم ورحمة لله وبركاته
يسعد صباحكم بالخير
تكفوووون ساعدوني بنتي توها مخلصه تسع شهور وماقدرت اطعمها لان عندها حرارة بسبب التهاب الحلق في وس منتشر بالجو مع هالبرد
صرف لي الدكتور خافض ومضاد 3 مرات باليوم
السؤال بنتي تستفرغ اذا اعطيتها الادول فصرت اعطيها تحاميل 125 مجلم صرفها الدكتور لي حسب عمرها متى اقدر اعطيها كل كم ساعه لان مرت اللحين ثلاث ساعات وبنتي من اعطيها ماتنخفض حرارتها 38.9 ومرات 39 وتنزل مع التكميد وشوي ترتفع يقول الدكتور يومين ثلاثه بتنزل ان شاء الله عشان الالتهاب
فماادري هل انتظر ست ساعات وبعدها اعطيها التحميله او متى؟
اعطوني طرق طبيعية لطريقة الفكس وطريقة الخل وطريقة المحلب تكفون اللي تعرف هالطرق لاتبخل علي
جزاكم الجنه اجمعين ♡

5 تعليق 5,077 مشاهدة

شاركي في النقاش

سجلي الدخول لإضافة تعليق.

التعليقات

5
  1. المحلب اخلطيه مع مويا وحطيه على راسها
    والمويا اللي تكمدين لها فيها حطيها معها خل
    حطي شريحة بصل على رجلها من أسفل ولبسيها شراب يقولون يسحب الحرارة على طول
    وقدامها العافية ماتششوف شر
  2. جربي تحطين شرائح بصل بماطا رجلها وتلبسيها شراب له فوائد كثيره ربي يشفيها

    التحاميل لازم كل 6 ساعات
    اذا جتها حراره بين 6 ساعات اعطيها شراب لونه برتقالي مكتوب عليه خافض للحمى حلو ونفع معي بعد الله

    اي اللتهاب لازم اقل شي 3 ايام وتنخفض
    والله يكفينا شر الفيروس اذا بنتك من النوع اطلعيها كثير من البيت
  3. @miss_cherry

    الحرارة مانزلت معناته فيها التهاب لازم يتعالج


    اللي اعرفه التحاميل كل اربع ساعات جذي كان صارف الدكتور لولدي بس مادري بنتج صغيرة


    وجربي تكمدينها بكلونيا انا مجربته تنزل الحرارة
  4. Miss Cherry
    الحرارة مانزلت معناته فيها التهاب لازم يتعالج اللي اعرفه التحاميل كل اربع ساعات جذي كان صارف الدكتور لولدي بس مادري بنتج صغيرة وجربي تكمدينها بكلونيا انا مجربته تنزل الحرارة
    التحاميل كثير كل 4 ساعات
    عادةً لو كان الطفل كبير خافضين بالتناوب كل 4 ساعات واحد فيفادول مثلاً والثاني سابوفين

    بنتي 6 شهور قالي الدكتور أعطيها أدول كل 6 ساعات ولو احتاجت كل 4 ماهي مشكلة
    أو تحاميل تايلنول كل 8 ساعات

تابعي تجارب أخرى من هذا القسم.