اكشن ولادتي😶
حددت مع الدكتوره سحر بفقيه طلق صناعي يوم السبت ورحتلها الصباح علساعه8 وحطولي تخطيط واشوف الممرضات رايحين جايين عليا وانا كدا😐كل ما اسالهم يقولو كويس كويس وبداو حطولي تحميله طلق وجل ملين لعنق الرحم وعلساعه 10 0ات الدكتوره سحر ولقت عندي طلق مرا خفيف وكشفت لقت رحمي مفتوح 3 وفتحتلي مويه الراس استغربت قلتلها بدري فتحتيه قالت الوضع يستدعي افتحها وراحت وخلتني😰وييدا الالم واتوحشت على ماما وزوجي😅 والحمدلله ربي رحمهم وجات الممرضه اعطتني ابره مسكنه بالعضل وكمامه وشويه اسمع صوت حق جهاز التخطيط زي اللانذار ويجروني علكشك الولاده وانا دايخه😵 وبديت احس الطلق كل ماله يزيد والدفع فضيع ويقولولي اصبري لحد مايجي دكتور التخدير وسحر وجا حق التخدير يسال اساله هبله وانا بقمه الالم 😠😠اذكر اني طردتو وزوجي يهديني وبدا يعطيني جرعات بسيطه بالوريد من البنج وكل ما اطلب بنج كامل ياخرني مو راضي اتاريه مافق مع زوجي مايخدرني لانو النونو نبضها ضعيف ويبغوها تنزل فايقه وكمان انا عندي سكر حمل فيبغو يتاكدو اذا عندها هبوط بالسكر او مبنجه وفعلا حسيت بدفع وبس دخلت سحر خدرني كامل وضغطو علبطني وطلعو البنوته 😣وطلع عندها هبوط بالسكر ودخلت مرحله اختناق وسوولها انعاش واتبهذلت صغيرتي بس الحمدلله ربي نجاها خلوها يوم تحت الملاحظه وكل شويه تحاليل للسكر حقها لحد ما ارتفع والحمدلله وانا من كثر ما ادفع اتمزقت بس علجنب وجات الخياطه طبعا مايله والتهبت عليا 😢😢😢 اول ولاده ليا احس بدا الالم ونفاسي يكون متعب بس الحمدلله اولا واخرا مادام بنتي بحظني سليمه ويارب يهون عليكم الطلق والولاده😊
تباشير السعادة العاششر لمواليد #نوفمبر&ديسمبر#👦👧
متابعة النقاش، صفحة 87