بذا الزواج حياتتي انهدمت
اخ يابنات والله مدري شقول تزوجت واحد ورفض يسويلي عرس زي اي بنت ولافرحت ولاتهنيت حتى شهر بصل ماسفرني ومن تزوجني وهو حاكرني بشقه ولاكنت اعرف ان ورا ذا كله امه هي السبب للاسف عرفت متاخر وبكيت باول ايام زواجي من الضيقه والحبسه وقلتله ابي اطلع طلعني بعد جهد جهيد وقاال طيب بس باخذ خواتي معنا انا هينا توقفت الحين اول طلعه لك مع زوجتك بتاخذ خواتك واثره تحريض منهم لاتطلع لاي مكان الا خواتك معك 😓 صرت مره ارفض ومره اوافق لاكن المشكله اني ببدايه زواجي قضيت كعوب وفساتين نوقعت انهم زي الناس الطبيعين لاصار عرس بجماعتهم او جيرانهم حتى بحضره لكن للاسف ليتني ماشريت خاست بدولاب وضاقت علي ومالبستها ليومكم ذا وانا لي ثلاث سنوات متزوجه وعندي بنت تخيلوا ماشفت ولامخلوقه من جماعتهم ولارحت لاي عرس هم يروحون وانا لا والسبه امه ماتبيني اختلط باي ناس لابعروس ولابعزايم ولابشي حتى لاجاها حريم ماتناديني وتقولها بوجهي اليوم الفلاني بيجوني بنات خالاتي لاتنزلين ؟!! والادهى والامر امس زواج بنت خالته قال بوديك لاهلك وبروح للعرس انفجرت قلت ليه ماتاخذني معك وش فيها مرده لي وش دخلك فيهم وش تبين فيهم ؟! قلت لا كل خلق اللله يروحون للزواجات مع ازواجهم الا انتم ماقد شفت زيكم هاذولي حريم اخواني يروحون للزواجات جماعتنا وكل الناس وش فيها لكن كني اكلم جدار قلت ع العموم اكيد فيه سر وماتبوني اعرفه اجل ليه ماتخلوني اروح انا يابنات جدا تعبت منهم احس بسجن مو زواج وكله من امه مدري وش مدخله براس