شاركي في النقاش

سجلي الدخول لإضافة تعليق.

التعليقات

2,246
  1. @gn_8

    صباح الفل سمسم كل سنة وانتى طيبة - وان شاء الله ربنا يعيد علينا كلنا الايام بخير يارب
  2. @gn_8

    والنبى يا بنات ادعولى اصل انا رايحة للدكتور علشان رجلى وجعانى يارب مش يقولى جبس ادعولى والنبى يا بنات
  3. @noody30

    semsem2005
    السلام عليكم ورحمة الله ازيكوا يا بنات عاملين ايه رانيا كلامك عن الاولاد بحبه جدا ومن يوم ما اتكلمت معاكى وانا مرتاحة وبحاول بجد انى اعمل زى ما فولتلى مشمش يا ريت فعلا تجربى كلام رانيا وانا من واقع تجربة كانت بنتى بتنام الساعة 6 صباحا ول…
    السلام عليكم و رحمة الله و بركاته

    ما شاء الله عليكم يا بنات، لحقتم تكتبوا كل ده؟؟ طيب حاحاول مانساش اي حد

    ازيك انتي يا لولو عاملة ايه و ايه اخبار حملك؟؟ انا الحمد لله بخير و جزاكي الله خيرا على دعائك لوالدي. و يا ستي مش حاشتكي خالص بعد كده و حاخد حقي بدراعي :30: ازاي جوجو؟؟ يا رب تكون بخير

    أم منذر، جزاكي الله خيرا يا حبيبتي على الدعاء. انا بصراحة مش عارفة أسماء أي حاجة جنبي خالص لاني يا دوب بانزل السوق بس و شارع اسمه حسنين الدسوقي فيه المخبز و السوبر ماركت و محل الالبان. ده كل اللي اعرفه لدلوقت في حدايق المعادي. ربنا يخليلك بنوتك و تفرحي بيها

    مشمش، الله يسلمك يا حبيبتي و جزاكي الله خيرا، و صدقيني لو احتجت اي مساعدة منك حاطلب على طولن ربنا ما يحرمنا من الاخوة الطيبة دي. بس انتي بالراحة شوية على الولاد و بلاش عصبية. انتي معترفة انك عصبية يبقى لازم تتحكمي في نفسك شوية، و ما شاء الله رانيا و البنات مقصروش في النصايح و فعلا حاولي انهم ميناموش الضهر عشان يناموا بالليل من بدري. انا عارفة ان طنطا مفيش فيها مكان لفسح و لا تنطيط و لا جناين زي بقية الدنيا، بس على الاقل خرجيهم اتمشي بيهم لحد ما حيلهم يتهد يقوموا يرجعوا يناموا. و ربنا يقدرك علىتربيتهم التربية الصالحة ان شاء الله

    رانيا، جزاكي الله خيرا على الرابط، حاولت انزل الكتاب معرفتش بس حاجرب تاني ان شاء الله. و الله يسلمك يا حبي على سؤالك عن بابا

    رغودة و عروس البحر الاحمر، اهلا بيكم معانا

    سمسم، ازيك يا حبي؟؟؟ شكرا على سؤالك الدايم عني. و الله مفيش جديد بالنسبة لبابا، كلمت اخويا امبارح مرتين و الحال هو هو، و الحمد لله على حال ربنا يصلح الحال و يشفيه يا رب

    فطومة و هبة و احلام و جنة و ماما نونو ونور الدوحة و سندريلا بقية البنات و المدامات المختفيات، يا رب تكونوا كلكم بخير و في احسن حال
  4. @noody30

    اهلا يا والدة علي منورانا و اتفضلي في اي وقت

    جنة، خير يا بنتي؟؟ جبس ليه؟؟ رجلك اتلوت و الا ايه اللي حصل؟ ان شاء الله خير بس طمنينا عليكي
  5. @am_abyha74

    والدة على

    اهلا وسهلا بك

    جنة

    ربنا معك ان شاء الله خير

    سمسمة

    الدكتورة سوزان طبيبة بشرية اصلا لكن خريجة معهد الدعاة وما شاء الله عليها ربنا يكرمها هايلة في الشرح واسلوب الدعوة بالحكمة والموعظة الحسنة وهى بتعطي دروس في مسجد أنس ابن مالك في شارع شهاب امام محسن بركات قد ايه هايلة ودي حاجة من الحاجات اللي اتحرمت منها بعد الجواز علشان بعد المكان عن بيتي وظروفي مع ياسمين ولها ايام معينة في الصيف والشتا ابقى اسألي عليها وعندهم كمان تحفيظ وتجويد

    كمان بتعطي دروس في مسجد القصر العيني اللي جوا القصر نفسه وانت داخلة قولي انك داخلة تصلي ودي حقيقة لأنك هتصلي فعلا ما تجيبيش سيرة الدرس جوا علشان ما يفتحلكيش محضر وده بيكون ايام الثلاثاء على ما اعتقد بعد صلاة الظهر على ما افتكر او الساعة 2 مش فاكرة كويس

    وبتعطي دروس فقهية في الزواج غير العلم الشرعي والسيرة النبوية

تابعي تجارب أخرى من هذا القسم.